Alegazioak aurkezteko kanpainaren balorazio positiboa egin du Alde Zaharreko Gasteiz Txiki auzo elkarteak. Gasteizko udal gobernuak (EAJ-PSE) babesten duen hirigintza araudiaren aldaketak erabilera turistikoko etxebizitzen biderkatzea ahalbidetuko luke. Alegazioak aurkezteko epea amaituta, udalaren osoko bilkuran bozkatuko da araudiaren behin betiko aldaketa.
Gasteizko alde Zaharreko Gasteiz Txiki elkartea pozik agertu da iraila hasieran auzoko hainbat mugimendu herritarrek abiatu zuten ekimenak eman duen emaitzarekin: “Udalean aurkeztutako 136 alegazioak auzoak arazo horren inguruan duen sentsibilitatearen adibide dira”. Kontutan izan behar da pandemiak alegazioak aurkezteko zailtasunak areagotu dituela. Besteak beste, gizarte etxeetan hitzordua aurrez eskatu beharra izan dute herritarrek, ohikoan egun osoan zehar eta zitarik gabe egin daitekeen tramitea egiteko. Udal gobernuak bultzatzen duen araudi aldaketak “auzokoen beharrei baino gehiago higiezinen interes ekonomikoei” erantzuten diela uste du auzokideen elkarteak, auzoaren gentrifikazioa bultzatuko lukeelako.
Alegazioak aurkezteko epea amaituta, udalaren osoko bilkura batean bozkatuko dute alderdi politikoek hirigintza araudiaren aldaketa. Udalari zuzendu zatzaio Gasteiz Txiki, hain zuzen ere: “Gure udalari eskatzen diogu herritarren interesak irmoki defendatzeko eta proiektu hau behin betiko baztertzeko. Gure aldetik, adi egongo gara aurrerantzean egiten diren urrats guztiei eta, bereziki, talde politikoek gai honen inguruan hartzen duten jarrerari”.
Turistifikazio masiboa
Iragan uztailean Gasteizko Udaleko Tokiko Gobernuko Batzarrak (EAJ eta PSE) Hiri Antolamenduko Plan Orokorraren moldaketa bat onartu zuen, Arabatur enpresarien elkarteak proposatuta. Osoko bilkuran behin betiko onartuz gero, aldaketarekin hiri osoan 18.697 erabilera turistikoko etxebizitza (ETE) eta erabilera turistikoko logela (ETL) sortu ahal izango liratezke (Gasteizko etxebizitzen %16,3). Neurriak Alde Zaharrari eragingo lioke nagusiki. Gaur egun lehen solairuetako etxebizitzak soilik bilakatu daitezke ETE, baina aldaketa onartuz gero, etxebizitza bloke osoak ETE bihurtzeko aukera legoke.
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.