13 urtetik 10era jaitsi diote zigorra Iñaki Abad Altsasuko gazteari

  • Espainiako Auzitegi Nazionalak Altsasuko auziaren epaian akatsak daudela onartu eta hauek zuzentzeko auto bat kaleratu du. Abaden kasuan epaiak ezarritakoa baino zigor handiagoa ezarri zitzaiola onartu da.

Altsasuko gazteen aurkako epaia arbuiatzeko Iruñean egindako manifestazioa (Argazkia: Dani Blanco)

2018ko ekainaren 20an - 10:37

Efe agentziak jakinarazi duenez, autoak onartu egin du lesio delitu bakoitzarengatik epaiak Abadi ezarri behar zizkion bi urteko zigorren ordez hiru urteko zigorrak jarri zaizkiola. Hala bada, gaztearen defentsa abokatuak eskatutako azalpena balioetsita, lesio delitu bakoitzarengatik urtebete jaitsi diote zigorra. “Nagusitasun eta diskriminazio larrigarriekin autoritatearen kontrako atentatu” delituarekin batera, auto berriaren arabera, hamar urteko zigorra ezartzen zaio Abadi, lehen baino hiru urte gutxiagokoa.

Epaiak baditu akats gehiago, nahiz eta espetxe zigorretan ez eragin. Akatson artean, Auzitegiak adierazi du teniente kargudun guardia zibilaren bikotekideak Abaden kontra akusaziorik egin ez izana ez zuela jaso epaiak, eta akatsa zuzentzea eskatu du.

Iñaki Abad Altsasuko auziaren harira auzipetutako zortzi gazteetako bat da. Bera da guardia zibil sarjentuak gertakarien gainean egindako bertsioa gezurtatzen zuen bideoaren jabea.


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude