Ez da zezenketarik izango 2017ko Gasteizko jaietan

Zezenketak kudeatzeko lehiaketa hutsik geratu da eta Udalak bertan behera uztea erabaki du.

Kataluniako gobernuak zezenketen aurka egiten jarraituko du

Espainiako Konstituzio Auzitegiak bertan behera utzi zuen Katalunian zezenketak debekatzen zituen legea. Kataluniako gobernuak erabakiari aurre egingo diola aurreratu du, kataluniarren nahiak betetzeko.

Donostiako epaitegi batek bertan behera utzi du zezenketei buruzko galdeketa

2017ko otsailaren 17an Donostian egitekoa zen galdeketa bertan behera utzi du Donostiako Administrazioarekiko Auzietako 2. epaitegiak, Carlos Urquijoren helegiteari bide eman ostean.

Animaliadun ikuskizunik gabeko Aste Nagusi baten alde batu dira konpartsak eta zenbait alderdi politiko

Konpartsa ugarik, EH Bildu, Udalberri eta Goazen Bilbao alderdietako kideekin batera agerraldia eskaini dute ostegunean, Aste Nagusiaren baitan garatuko diren ikuskizunetan erabiliko diren animaliek bizi dute egoera larria salatzeko. Denek bat egin dute esatean, "animaliadun ikuskizunik gabeko Aste Nagusi baten aldekoak" direla.

Zezenketak defendatzeko euren irudia erabili izana salatu du Blusen eta Nesken Komisioak

Gasteizko jaietako zezenketak defendatzeko egindako marrazki bizidunen bideoa ezabatzeko exijitu dute. Protesta modura, asteleheneko Gran Prix-ari uko egin zioten.

Zezenketak debekatu ditzaten exijitzeko odolez zikindu dira hainbat ekintzaile Iruņean

PETA eta Animas Naturalis taldeek deituta, protesta egin dute 75 ekintzailek udal plazan, "odolik gabeko sanferminak" aldarrikatzeko.

Zezenketen inguruan galdeketa egiteko eskatu dio EH Bilduk Bilboko alkateari

Ekainaren 18an Bilbon zezenketen aurkako manifestazioa egin zen, Ez da festa bat, irain bat da lelopean. EH Bilduk Bilboko alkate Juan Mari Aburtori eskatu dio zezenketen inguruko galdeketa egiteko.

Donostiako herri galdeketen araudia baliorik gabe utzi dute Estatuko abokatuaren eskariz

Baliorik gabe utzi dute Herri Kontsulten udal araudia Donostian, EAEko auzitegiak onartu egin baitu Espainiako Estatuaren abokatuak jarritako inpugnazioa.

Zezenketei bultzada emateko eskatu du UPNk Kongresuan

UPNk legez besteko proposamena aurkeztu du Espainiako Kongresuan, zezenketaren alde urratsak eman daitezen, "zezenen aldeko herritarrei sentsibilitate eta gizatasunik eza leporatzen dieten horien" kontra.

Zezenketei buruzko herri galdeketa egin dadin 10.000 sinadura aurkeztu dituzte

Donostia Antitaurina Orain mugimenduak 10.000 sinadura aurkeztu ditu Udalean zezenketen inguruko galdeketa egin dadin. Aurreko legegintzaldian indarrean jarri zen araudiak dio kontsulta bat egiteko gutxienez 8.000 aurkeztu behar direla.

Zezenketak diruz laguntzea baztertu du Europar Parlamentuak

“Berdeak” taldeak emendakina jarri die Europar Batasuneko aurrekontuei, funts europarrak zezenaren heriotza eragiten duten jardueretara bidera ez daitezen. Parlamentuaren gehiengoa testuaren alde agertu da: 438 diputaturen babesa jaso du, aurkako botoa 199k eman duten bitartean.

Bilboko Aste Nagusiko zezenketak auzitan: publiko gutxi, gastu handia

Bilboko zezen plazako harmailak ia hutsik erakusten dituen argazkiak zeresana eragin du sare sozialetan: bestelako eztabaidez aparte, Aste Nagusiko programako zezenketek erakartzen al dituzte herritarrak?

Zezenketen eta Espainiako errege ohiaren aurkako protesta Donostian

Zezenketak ostegunetik igandera bitarte izango dira Donostiako Illunbe zezen plazan. Ostegunean, lehen zezenketan, Espainiako errege ohi Juan Karlos Borboikoa izango da, eta Espainiako Telebista Publikoak zuzenean emango du.

Mila pertsonatik gora elkartu dira Donostian zezenketen aurka

“Donostia Antitaurina Orain” plataformak deituta, zezenketak gelditzea eskatzeko manifestazioa egin dute Donostian igandean. Hiru urtez zezenketarik gabe egon ondoren, abuztuaren 13tik 16era bueltatuko dira Illunbe zezen plazara.

Espainiako Errege ohia Donostian izango da zezenketen itzuleran

Donostiako zezenketen itzuleran izango da Espainiako errege ohi Juan Carlos Borboikoa. Eztabaida piztu da hirian, Udal gobernu aldaketarekin batera zezenketak berriz ere programa ofizialean sartu dituztelako.

7.000 lagunek baino gehiagok sinatu dute Donostian zezenketak itzultzearen kontra

Change.org webgunean abian jarri den ekimenak Eneko Goia Donostiako alkate berriari eskatzen dio "praktika zaharkitu eta krudel" hori ez dezala onartu.

Zezenketak Donostian abuztuaren 13tik 16ra

Donostiako Udalak zezenketak berreskuratu ditu Aste Nagusian. Oraindik programa ofiziala argitaratu ez badute ere, El Diario Vasco egunkariak baieztatu du itzulera.

Zezenketak Donostiara itzuliko dira

Badirudi Donostiako udal agintari berriekin zezenketak itzuliko direla Donostiara. Ion Cerezo blogariak gaiari buruzko bere iritzia plazaratu du.

Gasteizko zezenketetan ikusle gutxi eta Udala arduratuta

Udala hiriko festetako zezenketen jaitsiera aztertu beharrean dagoela esan du Idoia Garmendia Gasteizko alkateordeak. Datuen arabera, zezen plaza gehien bete zen eguna abuztuaren 7a izan zen 3.232 ikuslerekin, guztira %41,26ko okupazioa. Jende gutxien joan zen egunean 1.068 ikusle izan ziren, okupazioaren %13,63.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiÃąa Argia Antza iametza Adur Luditoys