"Donostia antitaurinoa da!", herritar ugari bildu zen zezenketen kontrako manifestaziora
Abuztuaren 15ean Donostiako Ilunben sei zezen nola hiltzen dituzten erakusten duen bideoa kaleratu du Gipuzkoako Plataforma Antitaurinoak, Linas Kortarekin batera egina, herritarrak sentsibilizatzeko helburuarekin.
Abuztuaren 13ko manifestazioa jendetsua izan da, Donostiako kaleetan zehar ehundaka pertsonek oihu egin zuten zezenketak amaitzearen alde. Donostiako alkate Eneko Goiari mezua bidali zioten biharamunean sare sozialetatik: “Apuntatu Eneko Goia, 2022ko abuztuaren 13a, jende gehiago manifestazio antitaurinoan zezenketetan baino. Donostia antitaurinoa da”.
Donostiak argi ikusten du!
??????
Donostia lo tiene claro!#antitaurino#stopbullfights#gipuzkoaantitaurina#tauromaquiabolicion#verquenzanacional#manifestation#concentration#concentracion pic.twitter.com/LKmuwseaoF
— Gipuzkoa Antitaurina (@GAntitaurina) August 13, 2022
Bideo odoltsua
Manifestazioaren ondoren, bideo bat argitaratu du Gipuzkoako Plataforma Antitaurinoak Linas Kortarekin batera. Bideoan sei zezenen hilketak ikusi daitezke. Baina, bideoa YouTubera igo ostean, kendu egin dute plataformatik “indarkeriarekin erlazionatutako edukia edo eduki esplizitua” duelako. Bideoaren helburua herritarrak sentsibilizatzea da eta “Illunbeko eragileek nahiago dute gehiegi ez zabaltzea” adierazi du plataforma antitaurinoak.
Twitterren oraindik ikusgai dago:
@linaskorta rekin elkarlanean, igande honetako Irudi odoltsu hauek dokumentatu ditugu. Illunbeko sustatzaileek nahiago dute gehiegi ez ezagutaraztea, herritar gehienen sentsibilitatetik urrutiegi baitaude. pic.twitter.com/8YY8ebaxMP
— Gipuzkoa Antitaurina (@GAntitaurina) August 15, 2022
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]