Bilboko Aste Nagusiko zezenketetara inoizko jende gutxiena ari da hurbiltzen aurten
EH Bildu Bilbok aurtengo zezenketak “izugarrizko porrota” izaten ari direla salatu du, eta proposamenak aurkeztuko dituztela aurreratu dute. Hain jende gutxi hurbiltzeak hiritarren haserrea ekarri du sareetan.
Bilboko zezenketa programazioa “porrota” izaten ari dela salatu dute hainbat pertsonek sareetan. Izan ere, egunero sarrera gutxi saltzen dituzte zezenketek Bilbon: bigarren jardunaldian sarreren laurdena saldu zen, eta laugarrenean heren bat bakarrik.
Egoera hala, Bilboko EH Bilduk proposamenak aurkeztuko dituela aurreratu du: “Udalak behingoz herritarrei galdetu beharko die zein erabilera eman nahi dien zezen plazari”, esan dute. “Gustuko dut hutsik egotea. Basakeri honekin amaitzeko aurreneko urratsa da. Jada ez dago aitzakiarik”, zioen lagun batek Twitter bidez.
La plaza de toros está casi vacía y muchas personas se preguntan por qué el Gobierno Aburto defiende una actividad ruinosa con dinero público. @ehbildubilbo anuncia una interpelación. pic.twitter.com/NCqUkPZlWQ
— agustin goikoetxea (@goikodeustu) August 21, 2019
Juan Mari Aburtoren Gobernua aipatu dute hainbatek, eta galdetu diote ea zer dela eta jarraitzen duen diru publikoaz “hain jarduera galgarria” finantzatzen. Honi erantzuten, “beteta edo hutsik” izan, 2019an zezenketak egiten jarraitzea “lotsagarria” dela dio herritar batek.
Plaza de toros de Bilbao, prácticamente vacía de gente pero llena de dinero público#Astenagusia pic.twitter.com/zZZXglVha5
— ɐᴉɹɹɐɥәɹɹә@ 🤘#I16MakroEpaiketa (@erreharria) August 20, 2019
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]