2020ko abuztuaren 15a
2017tik debekatuta zeuden zezenketak Balearretan, baina aurreko astean berriz antolatu dituzte Espainiako Auzitegi Konstituzionalak Balearretako parlamentuak onartu zuen legea ezeztatu ostean.
“Cara al sol” ereserki frankista jarri dute Mallorcako zezen plazako megafonian, zezenketen bi urteko debekuaren ostean. Zezenketen aurka protestan ari zen jendeak dena ikusi eta grabatu du, eta Unidas Podemos-ek salaketa jarriko duela adierazi du, Memoria Historikoaren legea urratzen duela argudiatuz.
Bi urteren ondoren, zezenketak Mallorcako zezen plazara itzuli dira. 2017an Balearretako parlamentuak zezenketen erregulaziorako eta animalien babeserako legea onartu zuen; lege honek “espektakulorako zezenaren heriotza” debekatzen zuen. Espainiako Auzitegi Konstituzionalak lege hau debekatu du, eta Mallorcako Udalak zezenketak baimendu ditu; PSOEko José Hila Vargas da Mallorcako alkatea.
Gertaera isildua
Baliabide publikoak erabiltzen dituen ekitaldi batean ereserki frankista jartzeak, baina, ez du Espainiako Estatuko hedabide nagusien arreta erakarri. Zezenketak ostiralean izan dira, eta Britainia Handiko eta Alemaniako hedabideek albistea zabaldu dute, The Guardianek esaterako, baina ABC, El País edo El Mundo bezalako hedabideek ez dute zabaldu.
aquí el video a la plaça de toros de #Palma on es pot escoltar el ‘Cara al sol’. Es veu a gent posant-se la ma al cor i amb una sentida acció de fer la salutació nazi pic.twitter.com/AlBzAzcJnu
— Јоѕэр Я. Ѕаlмэѓои🔻 (@JosepSalme) August 11, 2019
Bullfighting organisers have attempted to silence the chants of hundreds of protesters in Mallorca by playing the fascist anthem 'Cara al Sol' over the arena’s loudspeaker pic.twitter.com/u2saFvNde8
— SBS News (@SBSNews) August 11, 2019
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
