Zestoako alkatea salatu du ELAk Lan Ikuskaritzan, zezen plaza muntatzeko lanak hasteagatik
Sindikatuak azaldu duenez, greban dagoen udal langile brigadari dagokio zezen plaza muntatzea, baina horren ordez "zezen zale elkartekoak ari dira alkatearen laguntza zuzendarekin". ELAren ustez langileen greba eskubidea urratzen ari dira eta Lan Ikuskaritzaren esku jarri du haien kontrako salaketa.
Aste gutxi barru izango dira Zestoako jaiak eta zezen plaza muntatzeko agindua emana du Zestoako Udalak. Baina uztailaren 13az geroztik udaleko behin behineko langileak greban dira, baita urtero zezen plaza muntatzeko ardura duen Udal Brigadako burua ere.
Hala, ELA sindikatuaren esanetan, "muntaketa lan hauek zezen zale elkartekoak burutzen ari dira herriko alkatearekin laguntza zuzenarekin", eta bere ustez Eusko Jaurlaritzak emandako gutxieneko zerbitzuen inguruko agindua urratzen ari dira, baita "langileen grebarako eskubidea" ere.
ELAk salaketa jarri du Zestoako alkatearen eta beste hainbat herritarren aurka Lan Ikuskaritzan, eta Zestoako Udalari eta "alkateari bereziki", eskatu diote "hausnartu dezala zertan dabilen langileen eskubideen aurka eta atzera egin dezala".
Udal langileen greba luzatzen ari da. Zestoako Udal Gobernuak uztailaren 30ean oharra kaleratu zuen grebalariak mahai negozitzailea utzi izana arbuiatu eta alkatearen kontrako "deskalifikazio pertsonalak" deitoratuz. "Helburua udalari ahalik eta kalterik gehien egitea dela dirudi eta herritarrek ez dute errurik", dio oharrean.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]