Urteetan sinesgarritasunik eman ez zaion biolentzia matxistaren askotariko aldaerei aitortza
Foro Sozial Iraunkorreko genero lan taldeak Emakumeen egia aitortu. Nik sinesten dizut izenarekin ekimen politikoa antolatu du Solokoetxen, "urteetan sinesgarritasunik eman ez zaion biolentzia matxistaren askotariko aldaerei, emakumeen arteko konplizitatez, aitortza egiteko".
Oholtzara igo eta hainbat emakumek euren testigantzak kontatu dituzte. Lekukotza gogorrak eta hunkigarriak partekatu dituzte ekitaldira hurbildutako lagunekin. Askotariko biolentziak jasan baitituzte Nereak, Ixonek, Maddik, Lolitak eta Katiak. Hala nola, indarkeria harreman sexu-afektiboaren barruan, laneko sexu-jazarpena, gerra bortxaketa, indarkeria lesbofoboa, irain edota eraso sexistak, tortura sexista, sexu gehiegikeriak... Euren egiak, alegia. Sarritan zalantzan jarri direnak. Hortik, Emakumeen egia aitortu. Nik sinesten dizut ekitaldiaren leloa.
Atzokoan "entzuketa eta aitortza kolektibo bat" irudikatzea zuten helburu antolatzaileek. "Erreparazioa eta justiziaren bidean, lehen urratsa gertatutako zalantzan ez jartzea eta sinestea, finean, aitortza egitea baita", Mari Luz Esteban eta Irantzu Mendia Foro Sozial Iraunkorreko kideen esanetan.
Emakumeen arteko elkartasuna sustatuz eta emakumeen parte-hartzea bultzatuz, txalo artean eman zioten amaiera ekitaldiari. Oholtza gainean partaideen arteko besarkada handi baten bitartez.
Bakearen eraikuntza kolektiboan, Foro Sozial Iraunkorraren aburuz, "ezinbesteko urratsa" da emakumeek bizitako biolentzia matxisten aldaera desberdinak jasotzea, entzutea eta aitortzea, "eta ez soilik gatazka armatuari lotutakoak".
Antolatzaileen asmoa da aurrerantzean lema berdina erabiliz askotariko ekimenak antolatzea auzo eta herrietan. Aitortza hori "ahalik eta zabal, plural eta inklusiboena" izateko.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]