Topaketa ekosozialistak: “Ekoizteko eta kontsumitzeko moduan errotiko aldaketa eskatzen du etorkizunak”
Kapitalismoaren eredua gainditu eta munduak jasaten duen larrialdi ekologikoari aterabide sozialki justuak ematearen alde agertu dira irailaren 23tik 25era Bilbon egindako III. Nazioarteko Topaketa Ekosozialisten antolatzaileak. Gaur egungo paradigma atzean uzteko trantsizio ereduak bultzatzeko beharra azpimarratu dute, jardunaldien amaieran zabaldutako manifestuan.
Hainbat alderdi politiko, sindikatu eta bestelako hainbat eragilek antolatutako Topaketa Ekosozialistek ehunka lagun bildu dituzte EHUren Bizkaia Aretoan eta Sarrikoko Ekonomia eta Enpresa Fakultatean. Klima aldaketaz, ekoizpen-ereduez eta lanaren antolaketa sozialaz, energia eta elikadura burujabetzaz, sindikatuek trantsizio ekosozialistan joka dezaketen rolaz… jardun eta gero, manifestu bateratua izenpetu dute parte hartzaileek.
Sinatzaileen esanetan, bi menpekotasun nagusi hartu behar dira kontuan pertsonen bizitza ahalbidetzeaz ari garenean: naturarekikoa –harengandik eskuratzen dugu behar dugun guztia– eta elkarrekikoa. Aldiz, kapitalismoa bi menpekotasun horiei bizkarra emanda garatu dela iritzi diote, ez baititu aintzat hartzen ez planetaren muga fisikoak, ez eta zaintza lanak behar bezala aitortzen.
“Ezjakintasun eta ezkutaketa horren jatorria da kapitalismoak dirutan neur daitekeenari baino ez diola ematen balio ekonomikoa. Ziklo naturalak eta zaintzari lotutako lanak ikusezinak dira ekonomia kapitalistarentzat”, adierazi dute. Ondorioetako batzuk dira muga biofisikoekin talka egiten duen etengabeko hazkundea ezarri izana helburutzat, eta jendarte injustu eta desorekatua eraiki izana. Hain zuzen, larrialdi ekologikoa eta larrialdi soziala lotuta daudela uste dute topaketen antolatzaileek. Beste aurpegi bat ere du egoera horrek: emakumeek jasaten duten zapalkuntza.
Baliabide naturalen kudeaketa komunitarioa
Bestelako eredu bateranzko trantsizioa eman dadin ezinbestekotzat jo dituzte herrien eta pertsonen ahalduntzea, eta bereziki baliabide naturalen eta ondasun kolektiboen kudeaketa komunitateen esku egon dadila: “Ekoizteko eta kontsumitzeko moduan errotiko aldaketa eskatzen du etorkizunak”. Edozein kasutan, ekonomiaren alde materiala nahi eta nahi ez murriztuko dela iritzi diote. Derrigortutako trantsizioak etorriko dira, hortaz, eta horiek justizia soziala kontuan izanda eman beharra aldarrikatu dute: “Beti elkarrekin ibili ez diren bi esparru horien artekon kontrastea eta lankidetza ezinbestekoa da”.
Zentzu horretan, sindikatuek protagonismo handia izan dezaketela diote manifestuarekin bat egin dutenek. Topaketetan, hain zuzen, borroka sindikalak ikuspegi “berdea” kontuan izatearen garrantzia aipatu da behin baino gehiagotan. Esaterako, lanpostuak sortzearen aldeko aldarrikapenetan lehentasuna emanez eredu jasangarriak eraikitzen lagundu dezaketen enpleguei.
Manifestuaren amaieran agertutako konpromisoen artean, erakundeetara trantsizio ekosozialaren aldeko lege proposamenak eramatekoa eta merkataritza askeko itunen (TTIP; CETA, TISA…) aurka borrokatzekoa aipa daitezke.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]
Gladys Gogoan elkarteak eta Eguzkik Gladys del Estal ekologistaren omenezko ekitaldia antolatu dute igande honetan. Gladys del Estal duela 46 urte hil zuen Guardia Zibilak Tuteran, nuklearren aurkako mobilizazio batean. 1979ko ekainaren 3an gertatu zen, energia nuklearraren eta... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Obrak "abiadura handian" doazela deitoratzen dute makroproiektuaren kontrako kolektiboek. Landetako THT Ez taldeak hitzaldia antolatu du apirilaren 27rako, ozeanoei buruzko nazioarteko hainbat aditurekin, tartean, Paul Watson baleen aldeko ekintzaile... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]