Sustrai Colinak jantzi du Xilabako txapela

  • Lapurdi, Zuberoa eta Baxenabarreko bertsolarien Txapelketa irabazi du Sustrai Colinak, buruz burukoan Amets Arzallusekin lehiatu ostean. Aurtengo Txapelketak Martin Treku bertsolaria omendu du, eta 1.600 pertsona inguru bildu ditu.

Ainhoa Bretos @ob_ainhoa
2016ko azaroaren 14a
1.008rekin irabazi du txapela Sustrai Colinak (Arg: Bertsozale Elkartea)

Baionako Lauga kiroldegian ospatu da 2016ko Xilaba Txapelketa, azaroaren 12an. Bertan aritu dira kantuan Odei Barroso, Miren Artetxe, Sustrai Colina, Amets Arzallus, Maddalen Arzallus eta Xumai Murua bertsolariak. Ofizioka, puntuari erantzuten eta kartzelako lanean aritu ostean, Sustrai Colina eta Amets Arzallus izan dira puntu gehien lortu eta buruz burukora pasatzeko txartela eskuratu dutenak.

Tatuajez betetako adineko pertsonen azalean jarri eta seiko motzean aritu dira bertsolariak, finalaren bigarren erdiari hasiera emateko. Hillary Clinton eta Donald Trumpen paperean ipinita kantatu dute ondoren zortziko txikian. Eta amildegi ertzean kokatu dira kartzelako lanari ekiteko. Lan puntuagarriak amaituta, erabakita gelditu da txapelduna.

1.008rekin irabazi du txapela Colinak bigarrenez. Izan ere, 2014ko Xilaba txapelketan ere bera izan zen garaile. Horren harira, “beste urrats bat ematea eta orain dela bi urte baino bertsolari hobea izan daitekeela erakustea” berarentzat “garrantzitsua” zela azaldu du bertsolariak, Garak egindako elkarrizketan.

Bere atzetik sailkatu dira Amets Arzallus (998 puntu), Maddalen Arzallus (581), Odei Barroso (576,5), Miren Artetxe (571) eta Xumai Murua (537,5). Lehen bost sailkatuek, 2017ko Euskal Herriko Txapelketa Nagusian parte hartzeko txartela lortu dute.  

Martin Treku Mattin bertsolaria omendu dute aurtengo txapelketan, 100 urte bete baitziren urrian bera jaio zenetik. Haren belaunaldia izan zen bertsogintzan hegoaldearekin zubiak eraikitzen lehena. Eta bere semea izan da Colinari txapela jantzi diona, Jean Pierre Treku. Horrez gain, Aitor Renteria Txato kazetari eta bertsolari zena ere gogoratu, eta Txato saria eman diote Barrosori, kantatzeko erarik politena eta doinuen erabilera sarituz.

Joana Itzaina izan da gai jartzailea, eta epaile lanetan aritu dira Eneko Bidegain, Joakin Arregi, Beñat Soule, Erik Etxart, Lierni Elorza, Iban Thicoipe, Abel Zabala eta Zuhaitz Olazabal. Gaiak prestatzeari eta saioak aurkezteari dagokionez, bestalde, Amaiur Lujanbio, Iban Falxa, Ihintza Ostolaza, Joana Itzaina, Karlos Aizpurua, Amaia Kastorene, Maiana Irigoien, Pantxika Solorzano, Bixente Hirigarai, Pettan Prebende eta Xan Alkhat izan dira aritu direnak.

Azken agur honekin eman dio amaiera Colinak 2016ko Xilaba txapelketari:

“Hain justu Trumpek jo duenean

mailuarekin iltzea

Marien Lepenek amestu ote

du Frantzia zuritzea?

Hiztegitatik kendu ote du

Rajoyk erabakitzea?

Normala ote da poliziak

senegaldar bat hiltzea?

Neri tokatu zait muga ertzean

sortu eta handitzea,

ta ikasi dut igurtzi ezkero

deusezten dela klitxea.

Gure herri honek badaki zer den

mututuei aditzea

ta harresiak atxeman arren

zubigintzan aritzea”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Xilaba  |  Baiona

Xilaba kanaletik interesatuko zaizu...
2018-07-11 | Nahia Ibarzabal
Mari Karmen Albizu: "Jendearen parte-hartzea bilatzen dugu Xilaba taldekakoarekin"

Udazkenean hasiko da taldekako bertsolari txapelketa Ipar Euskal Herrian. Xilabaren nondik norakoak azaldu ditu Mari Karmen Albizu Bertsularien Lagunak elkarteko kideak Info7 irratian.


2018-07-04 | Nahia Ibarzabal
Udazkenean egingo da taldekako Xilaba

Hamaika taldek hartuko dute parte Zuberoa, Baxenabarre eta Lapurdin jokatuko den txapelketan


2016-11-20 | Xan Alkhat
Sendo

Sustrai Colina da aurtengo Xilaba bertsulari xapelketako txapeldun eta sendo aritu da urruñarra. Finala burutik buru bere alde jarri zuen: hasieran zortziko handian Amets Arzallusekin aritu ondotik, eta buruz burukoan ere, bere betiko bertso lagunarekin lehiatu arte. Ideietan azkar, errimetan on, bertsokeran sendo.
    Amets Arzallus hendaiarra ez zen, beharbada, bere egun onenean baina berak ere hiru aldiz jantzitako txapela desio zukeen. Bosgarren Xilabako txapel hau... [+]


2016-11-13 | Xan Alkhat
Xilaba, Xiberoa, Lapurdi eta Baxenabarreko Bertsulari Xapelketa
Hamabortz gazte

“Zahar batentzat hamabortz gazte, heldu direla ondotik”.

Mundutik partitu gabe, kontsolamendu hori zeukan Mattin Treku zenak, eta bere sortegunaren ehungarren urtemuga ospatzen dugun honetan, bere ametsak aitzina jarraikitzen duela jakin beza.


2016-09-23 | Estitxu Eizagirre
Larunbat honetan jokatuko da V. Xilabako lehen saioa

Irailaren 24an Donibane Lohizunen hasiko da V. Xilaba Bertsularien Xapelgoa. Ravel aretoan, 17:00etatik aurrera kantuan ariko dira Amets Arzallus, Egoitz Zelaia, Kerman Diaz, Miren Artetxe, Nahia Sasco eta Ramuntxo Christy. Sarrerak, bertan.


2014-11-17 | Nerea Ibarzabal
'Xirraraz' xilaba

Emozioz bete zen larunbat arratsean Baionako Lauga, laugarren XILABA txapelketako finalean. Emozioz, bibrazioz eta 1.450 bertsozalek eman dezaketen berotasunez. Eskuak elkarren kontra igurtziz eta litxarreriaz kargatuta hartu genuen bakoitzak gure txokoa, bertsolari txapelketetako “hintxek” ohi duten modura, hogei segundoro gure ingurura begiratzen genuen bitartean: Lauga bete-bete egin zen, eta bertsolariek asmatu zuten giroaren neurriko saioa eskaintzen.


2014-11-16 | Nerea Ibarzabal
Maddalen Arzallus eta Ramuntxo Christy
"Euskara plazara ateratzea da Xilabaren funtzioa, bertsozaletzea baino gehiago"

IV. Xiberoa, Lapurdi eta Baxenabarreko Bertsulari Xapelketaren (Xilaba) finala datorren azaroaren 15ean jokatuko da Baionan. Eneritz Zabaleta, Sustrai Colina, Odei Barroso, Xumai Murua, Maddalen Arzallus eta Ramuntxo Christy lehiatuko dira bertan. Finalera lehen aldiz iritsi den Christyrekin eta bigarrenez joango den Arzallusekin hitz egin dugu.


2014-10-13 | Nerea Ibarzabal
Be˝at Ugartetxeak irabazi du Bizkaiko Bertsolari Txapelketako lehenengo kanporaketa

Galdakaoko Torrezabal aretoan egin da Txapelketako lehen saioa, igande honetan. Ugartetxea mallabiarrak zuzenean lortu du finalaurrekoetarako txartela.


Azkenak
EGILEA
Eguneraketa berriak daude