Maddi Sarasua Laskaraik irabazi du Final Herenetako bigarren saioa
XILABA Bertsulari Xapelketako Final Herenetako bigarren saioa jokatu da urriaren 24an Sohütan. Egoitz Zelaia eta Elixabet Etxandi Goienetxek egin dute bigarren eta hirugarren, hurrenez hurren. 180 bertsozalek bete dute Sohütako Herriko Gela. Urriaren 31n fase honetako hirugarren saioa jokatuko da Izturitzeko Herriko Gelan.
Sohütan jokatu den bigarren final hereneko saioko irabazlea Maddi Sarasua Laskarai izan da, 323.5 punturekin, eta azaroaren 7an Izpuran jokatuko den Final Aitzenekoan kantatzeko lekua lortu du. Horrela geratu da sailkapena:
Maddi Sarasua Laskarai 323.5
Egoitz Zelaia 320,5
Elixabet Etxandi Goienetxe 301
Maindi Murua Berra 295.5
Mizel Mateo 289
Iker Altuna 273
Azken final herena Izturitzen
XILABAko Bertsulari Xapelketaren Final Herenetako hirugarren eta fase honetako azken saioa, hurrengo larunbatean (urriak 31), egingo da Izturitzeko Herriko Gelan. Odei Barroso Gomila, Maddi Ane Txoperena Iribarren, Xumai Murua Berra, Ramuntxo Christy, Xan Alkhat, eta Ortzi Idoate bertsulariekin. Saioaren ondotik erabakita geldituko da, Amets Arzallus Antiarekin batera ze bertsulari izanen diren Final Aitzinekotan kantatuko dutenak.
Sailkapen orokorra
Hemen ikus daiteke orain arteko puntuazioen taula nola dagoen.
Xilaba 2020 txapelketak etenaldia izango du Emmanuel Macron Frantziako Presidenteak iragarritako konfinatze neurrien ondorioz. Hala jakinarazi du Bertsularien Lagunak elkarteak. "Kultura segurra dela sinetsirik, garaian garaiko baldintzek ahalbidetzen duten heinean,... [+]
XILABA Bertsulari Xapelketako final herenetako lehen saioa jokatu da Senperen urriaren 17an. Aitor Servier Etxexurik eta Miren Artetxe Sarasolak egin dute bigarren eta hirugarren, hurrenez hurren. 200 bertsuzalek bete dute Senpereko Larreko gela. Datorren larunbatean bigarren... [+]
Urriaren 10ean Larzabalen jokatu da kanporaketa faseko azken saioa, eta beraz, finkatuta geratu da zein hemezortzi bertsolarik kantatuko duten final herenetan. Urriaren 17a jokatuko da hurrengo faseko lehen saioa, baina ez hasieran iragarritako Bokalen, izan ere, "aurtengo... [+]
XILABA Bertsulari Xapelketako hirugarren kanporaketa jokatu da urriaren 3an Ainhoan. Maddi Ane Txoperenak eskuratu ditu puntu gehien eta Xumai Murua Berra eta Ramuntxo Christyk egin dute bigarren eta hirugarren, hurrenez hurren. Urriaren 10ean Larzabalen laugarren saioa jokatuko... [+]
Xilaba Bertsulari Xapelketako bigarren kanporaketa jokatu da Muskildin. Patxi Iriart eta Maindi Murua Berrak egin dute bigarren eta hirugarren, hurrenez hurren. Giro ederra bizi izan dugu Muskildiko Posonpesenea aretoan. Datorren larunbatean Ainhoan iraganen da hirugarren saioa.