Guardia Zibilak asteartean Oiartzunen atzemandako bost lagunak Espainiako Auzitegi Nazionalean deklaratzera eraman dituzte. Epaileak aske utzi ditu bostak, karguekin. Aritxulegi basoan landatutako zuhaitzen bitartez "terrorismoa goratzea" egotzi die Pablo Ruz epaileak.
15 egunero epaitegian sinatu beharko dute. Atxilotuek ukatu egin dituzte leporatzen zaizkien delituak.
Atxilotuez gain beste bost pertsona ere inputatuta daude Haritz deituriko operazioan.
Bost atxilotu, beste bost inputatu
Astearte goizaldera lau pertsona atxilotu zituen Guardia Zibilak: Xabier Iragorri (Oiartzungo alkate ohia), Joakin Izagirre, Ramon Gaztelumendi eta Erramun Sagarzazu, eta ilunabar aldera beste atxiloketa baten berri eman zuten: Itziar Iñarra. Bostak Intxaurrondoko kuartelera eraman zituzten, komunikatuta.
Horrez gain, beste sei herritarri ere eman zieten astearte arratsaldean Intxaurrondoko kuartelera deklaratzera joateko zitazioa, eta horietatik bost dira kasuan inputatu dituztenak.
Espainiako Barne Ministerioak adierazi du gune publiko bat erabili dutela hildako etakideak omentzeko eta erakundearen jarduera "legitimatzeko". Bestalde, Guardia Zibilek Aritxulegi basoa eraitsi egin dute.
Arratsaldean manifestazioa
Manifestazioa egin zuten asteartean Oiartzunen atxilotuei eta inputatuei babesa helarazteko. Bertan izan zen herritar ugari, eta Udalak ere gaitzetsi egin du operazioa.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]