Nazioarteko 190 klima adituk astebeteko bilera hasi dute Bilbon
Ekainaren 14ra bitartean Bilbon bilduko dira Klima Aldaketari buruzko Gobernuarteko Taldeko (IPCC) 190 aditu, berotegi efektuko gasen neurketa-irizpideak gaurkotzen hasteko asmoz. Isuritako eta xurgatutako gas kopuruen neurketak Parisko Hitzarmenak ezarritako baldintzetara egokituko dituzte, modu horretan.
IPCCk 2006an argitaratu zituen herrialde bakoitzak bere gas inbentarioa egiteko irizpideak, baina ordutik aurkikuntza zientifikoak eta aurreratze teknikoak izan dira, eta irizpide horiek egokitzeko tenorea iritsi dela erabaki du klima aldaketa aztertzen duen nazioarteko zientzialarien elkarguneak.
Bilbon abiatuko den prozesuak luze joko du: aurreikusita dago irizpideen gaurkotzea IPCCren 2019ko maiatzeko bilkura onartzea.
IPCCa 1988an sortu zen, klima aldaketaren zergatiei eta ondorioei buruzko ezaupide zientifiko eta sozioekonomikoen ebaluazioa egiteko helburuz. Bere azken txostenean, 2014an, taldeak ia segurutzat jo zuen gizakiak egindako emisioak direla XX. mende erdialdetik ematen ari den beroketaren zergatia. Era berean, esan zuten klima aldaketa leuntzeko berotegi efektuko gasen isurketa etengabe eta kopuru handietan murriztu beharko dela. Parisko Hitzarmenaren helburuak, hein batean, txosten horretan oinarrituta daude.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]