Mikel Peruarenak uko egin dio Euskadi Literatura Sariari

  • Mikel Peruarena Ansaren Su zelaiak (Susa) nobelak irabazi du aurtengo Euskadi Literatura Saria euskarazko atalean. Ereñotzuko idazle eta kazetariak uko egin dio sariari.

Gorka Bereziartua Mitxelena @boligorria
2015eko urriaren 08a
Mikel Peruarena Ansa, 'Su zelaiak' nobela aurkeztu zuen egunean.

Berrian lan egiten du Peruarenak eta medio horretan Juan Luis Zabalak argitaratu duenez, Su zelaiaken egileak epaimahaikideei eskatua zien bere lana "sarietatik kanpo uzteko".

Ukoa azaltzeko, lehenago jasotako 111 Akademiaren sariarekin izandako bizipenak aipatu zituen Peruarenak gutun horretan: "Sari harekin bizitu nuen desosegua biderkatuko litzaidake parte hartuko banu".

Zortzi urte "Utikan Euskadi Sariak" manifestutik

2007an Utikan Euskadi Sariak manifestua sinatu zutenen artean dago Peruarena. Urte hartako urtarrilean, Jon Alonsok Euskadi Sariak erabakitzerakoan izandako zenbait irregulartasun salatu zituen ARGIAren Euskal Kulturaren Urtekarian.

Artikulu horren ondoren hainbat idazlek adierazi zuten ez zutela nahi Eusko Jaurlaritzak banatzen dituen sari horietan euren lanak kontuan hartzerik.

Geroztik saiakerak izan dira sariaren izaera aldatzeko. Berbarako, PSE-EEk Eusko Jaurlaritzako agintea hartu zuenean, Euskadi Sariek lehiaketa baten itxura hartu zuten, baldintza gisa jarri baitzuten idazleek aurkeztu behar zituztela euren lanak sarituak izan ahal izateko.

Azken legegintzaldian sariketa izaera berreskuratu du, baina ez dirudi arazoa guztiz konpondu denik, aurtengo irabazlearen ukoa ikusirik.

Joxe Azurmendirentzat saiakera alorreko saria

Historia, arraza, nazioa (Elkar) saiakerari esker irabazi du Joxe Azurmendi filosofoak saiakera alorreko Euskadi Saria. Ernest Renan saiakeragile frantsesaren obra aztertu du lan mardul horretan Zegamako intelektualak.

Euskarazko haur eta gazte literaturari dagokion Euskadi Saria Yolanda Arrietak irabazi du, Argiaren alaba lan autoeditatuarekin. Gaztelaniazko literaturan, Martin Olmosen Escrito en negro eleberriak irabazi du.

Kanal honetan artxibatua: Euskadi Sariak

Euskadi Sariak kanaletik interesatuko zaizu...
Euskadi Sariak: hamar urtez linboan

Saridunak ezagutzera eman baino lehen izan dira albiste Euskadi Sariak aurten, zenbait idazlek parte hartzeari uko egin diotelako. Aurreko esaldia ezaguna egiten bazaizu, normala da. 2007tik Eusko Jaurlaritzak urteko literatur uztatik ale batzuk nabarmentzeko ematen dituen sariak zalantzan daude, zenbait idazlek ez diolako sinesgarritasunik aitortzen. Hamarkada oso bat pasa ondoren egoera zertan den jaso dugu.


2017-10-12 | ARGIA
Leire Bilbao eta Matias Mujika saritu ditu Eusko Jaurlaritzak

Euskadi Literatur Sarien aurtengo edizioko azken irabazleak zein diren jakinarazi du Eusko Jaurlaritzak, haur eta gazte literatura eta itzulpenaren arlokoak.


2016-10-13 | ARGIA
Uxue Alberdik eta Mitxelko Urangak jaso dituzte Euskadi Sariak

Haur eta gazte literaturako saria eta saiakera saria irabazi dute, hurrenez hurren, Alberdik eta Urangak euskarazko alorrean. Fernando Mikelarenak 1936ko errepresioari buruzko lanagatik jaso du gaztelaniazko saiakerarena eta ilustrazioarena Mikel Casalek.


Shakespeare euskaratu duen Juan Garziarentzat itzulpengintzako Euskadi Saria

Juan Garziak euskarara itzulitako William Shakespeareren Sonetoak lanak irabazi du aurtengo itzulpen alorreko Euskadi Saria.


Literatura albiste den aste (ia) bakarraren kronika

Euskadi Sariak, Literatura Nobel Saria eta Espainiako Literatura Saria banatu dituzte aste berean. Serio, kontraprogramazio hau ez da ona literaturarentzat. Eta ez da beharrezkoa mota honetako albiste guztiak hiru egunetan gastatzea.


2013-10-29 | ARGIA
Saizarbitoriaren 'Martutene' Literaturako Euskadi Saria

Ramon Saizarbitoria idazle donostiarraren Martutene nobelak irabazi du Literaturako Euskadi Saria. Iñaki Mendigurenek eta Sarah Turtlek irabazi dute itzulpenekoa Mark Twainen Tom Sawyer-en abenturak euskaratzeagatik.


2013-10-22 | ARGIA
Euskadi Literatura Sariak: Jon Sudupe, Iban Zaldua eta Xabier Olaso irabazle

Eusko Jaurlaritzak jakinarazi ditu aurtengo Euskadi Sarien irabazleak saiakera eta haur eta gazte literatura alorretan.


2012-10-31
Canoren ‘Twist’ nobelak irabazi du Euskadi Saria

Harkaitz Canok irabazi du euskarazko narratibako Euskadi Saria, iaz argitaratu zuen Twist nobelarengatik. Joxean Lasa eta Joxi Zabalaren bahiketa, tortura eta erailketan oinarritutako eleberria da Twist, gertakari errealak fikzioaren “ispilu deformante”-aren bidez kontatzen dituena. Canok Euskadi Saria irabazten duen bigarren aldia da. Lehenago, Belarraren ahoa nobela laburrari esker jaso zuen 2005ean.


2012-10-30
Euskadi Sariak banatu dituzte saiakera, itzulpen, haur-gazte literatura eta ilustrazio alorretan

Saiakera, itzulpen, haur eta gazte literatura eta ilustrazio alorretako Euskadi literatura Sariak banatu dituzte gaur. Inazio Mujika; Xabier Olarra eta Arantzazu Royo; Iban Zaldua; Iban Barrenetxea; eta Sara Morante izendatu dituzte irabazle, gaur goizean jakinarazi denez.


"Nobelagilea gupidagabea da, makurra, gaiztoa, zikina"

Etxe dotore bat, higatutako harremanak eta halako lasaitasun estu bat giroan. Donostia. Martutene. Ramon Saizarbitoriaren azken nobela da jarraian datorren elkarrizketako gai nagusia. Hariari tiraka ordea, idazleak beste hainbat gairi buruz dauzkan iritziak azaldu dizkigu.


Eguneraketa berriak daude