Manuel Fraga: "Neskatila horri ipurdiko batzuk eman zizkioten"


2013ko maiatzaren 20an - 00:00
Azken eguneraketa: 2015-02-26 13:37:33
Radio Caracas Televisión-eko elkarrizketa unea; irudia Venezuelako 'Eusko Gaztedi' aldizkariak publikatu zuen.

Espainiako Gobernazio Ministro Manuel Fraga Venezuelan zebilen Anparo Arangoaren torturen irudiak publiko egin zirenean. Maiatzaren 11n, Radio Caracas Televisión-eko Lo de hoy elkarrizketa saioan Sofía Ímber eta Carlos Rangel kazetari aski ezagunek estu hartu zuten:

Ímber: Badaukat izen bat, zaila ahoskatzeko, apirila amaierakoa, Maria Amparo Arangoa Sastrustegui euskal gazteari gertaturikoa.

Rangel: Pentsatzen dugu kasua ezagutzen duzula.

Fraga: Aipatzen duzun kasu hori tamalgarria da, andereño horrena. Talde hori gidatzen zuen kapitaina bere kargutik kendua izan da.

Rangel: Gazte honi eragindako tratu txarrak...

Fraga: Esan dizut salbuespena dela eta zigortua izan dela.

Rangel: Niri aldizkari hau helarazi didate gaur, eta Espainian argitaratzen da.

Fraga: Aitortzen dut aldizkaria ez dudala ezagutzen, Espainian ehunka daude.

Rangel: Gazte horren argazki itzelak argitaratzen ditu. [Argazkiak kamerari erakusten dizkio].

Fraga: Bai, neskatila honi ipurdiko batzuk eman zizkioten sorbaldak bere ohorezko izena galtzen duen tokian, eta jakina, lekuz kanpo zegoen. Esan dudan bezala, arduradunak zigortuak izan dira [Rangelek Zeruko Argia ematen dio Fragari]. Bai, aldizkari hau Espainian argitaratzen da, Donostian zehazki, eta horrelako asko libreki publikatzen dira.

Elkarrizketa historiko horretan, zertxobait aurrerago, esaldi famatu bat esan zuen Manuel Fragak ikurrinaren legalizazioaz: “Por encima de mi cadáver”.

(Anparo Arangoa. Behar ziren argazkiak erreportajean argitaraturiko testua. ARGIA, 2.169 zk.)


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude