Oiartzunen lurra lantzen hasi da Elika kooperatiba, uzta jasotzeko

  • Elika kooperatibako kideak dira Jakobe Beramendi eta Ioritz Mitxelena. 10 pertsonak osatzen dute Oiartzunen kokatutako proiektu hau. Ioritz eta Jakobe ekoiztera zuzentzen diren bitartean, beste zortzi kideak diru kontuetaz eta burokraziaz arduratzen dira. Oiartzungo Udalak alokatutako lurretan jarri dute martxan proiektua eta udaberrirako ekoizpena merkaturatzen hasiko dira.

Etxalde
2017ko martxoaren 10a
Elika kooperatiban Jakobe Beramendi eta Ioritz Mitxelena ari dira ekoizpen lanetan, beste zortzi kideren borondatezko lanaren laguntzaz. (Argazkia: Etxalde)

Oiartzunen baserri munduak izandako galeraren aurrean kezkaturik dauden 10 kidek osatzen dute Elika kooperatiba. Adibide gisa, 1930an herriko biztanlariaren %50a nekazaritzara dedikatzen zela aipatzen dute eta gaur egun %1 eta %2 artekoa dela. «Baserritarrarena lan esplotatuta, baliabide gutxirekin eta gaizki ordaindua» dela ikusten zuten eta horren aurrean zerbait praktikoa egin beharra zegoela pentsatu zuten, Ioritz Mitxelena eta Jakobe Beramendik azaltzen dutenez.

Lurbizi proiektuaren barruan, Oiartzungo Udalak, Behemendi Landa Garapenerako Elkartearekin batera, Kutxo baserriko bi hektarea alokatu zituen eta bi baratze proiektu ezarri dira bertan. Batetik Elika eta bestetik Arraztalo, Oiartzungo gaiso psikikoen elkartea. Jakobe eta Ioritzek aspaldi zuten gogoa «jefe barik» aritzeko, irribarrez esaten dutenez. «Gure kotuz lanean hasteko aukera da hau, proiektu berri batekin. Horrek erresponsabilitatea eskatzen duela ikusten dugu, baina ematen duen plazer hori ere hor dago».

Lan altruista

Mitxelenak gurasoengandik jaso du baserriaren inguruko ezagutza, beti izan dute baratzea etxean. Jakobe Beramendi jardineritzatik dator eta dioenez «txikitatik ikusi dugu lan gogorra dela. Orain Oiartzunen taldetxo hau sortu da, kontzientziarekin eta lan egiteko ilusioarekin». Elika kooperatiba 10 pertsonak osatzen dute eta bi langile ditu: elikagaiak ekoizteera dedikatzen diren Ioritz eta Jakobe. Gainontzeko zortzi kideen artean diruzaintza, arlo juridikoa, diru laguntzen arloa eta ekoizpena ez diren bestelako gaietaz arduratzen dira. «Guretzako oso ondo dago indar guztia ekoiztean kontzentratu ahal izatea. Horrelako proiektu batek burokrazia handia eskatzen du eta horretaz arduratu behar ez izateak ekoizpenean gehiago zentratzea ahalbidetzen du», azpimarratzen dute. «Benetan lan altruista egiten dute, horretan sinisten dutelako; gaur egun oso jende gutxi dago horretarako prest, benetan eskertzekoa da».

Joan den urrian lurra mugitu zuten, analisiak egin zituzten zer nolako lurra den jakiteko eta poliki-poliki negutegiak muntatzen joan dira. «Analisiak egin ondoren gomendio batzuk bidali zizkiguten. Goldatu, karea bota eta hilabeteko atsedena eman genion lurrari. Negutegiak erosi eta muntatzen ibili gara eta azaroa bukaeran lehendabiziko uzta jartzen hasi ginen».

10.000 metro eskas ditu lur sailak. Lau negutegi jarriko dituzte guztira eta gainontzeko azaleran kanpoko ortuariak landuko dituzte. «Ekologikorantz hartu nahi dugu bidea. Gertatzen dena da haziak lortzeko garaian zailtasunak ditugula eta hazi guztiak ez direla ekologikoak, baina bai ekoizteko teknikak eta erabiliko ditugun produktuak ekologikoak izango dira».

Ioritzen amarengandik jasotako irakaspenak asko baloratzen dituzte, «bere ama da irakasten ari zaiguna haziak jasotzen, gordetzen, ereiten… lasaitasun bat ematen du horrek», nabarmentzen du Jakobek.

Herrian izandako onespena positiboki baloratzen dute, «aurkezpena egin genuenean 120 pertsona inguru agertu ziren. Pozgarria da ikustea herriko jendeak nola hartu duen proiektua, adibidez baratze ondoan dagoen bidegorritik pasatzerakoan aiton amonek beraien gomendioak ematen dizkigute, bizitza osoan baratzean aritu dira eta beren ikuspuntua ematen digute, hori oso pozgarria da».

Eskaintza zabaltzeko asmoa

Izango duten ortuari eskaintzari buruz galdetuta, nabarmentzen dute orain arte «betiko bariedadeak» ezagutzen zituztela, baina eskaintza apur bat zabaltzeko aukera aztertzen hasi direnean, «konturatu gara barietate pilo bat daudela». Zentzu horretan, landare aromatikoen inguruan egin nahi dute apustua, «sukaldeko belarrak ere jarri nahi ditugu eta barazkien aldetik barietatea sortu eta genetika pixkat lantzeko asmoa dugu. Poliki-poliki hasteko intentzioarekin, baina sukalderako belarren inguruan saiatu nahi dugu, perrexila jarri daitekeen bezala menda, tomilloa eta antzekoak landu nahi ditugu».

Ekoizpena apirila edo maiatza bitartean prest izatea espero dute, lehen uzta jaso eta saltzen hastea. Merkaturatzeko garaian hiru bide planteatu dituzte. Alde batetik otzara bidez egitea pentsatu dute, bestetik Oarsoaldeko Labore ekimenaren denda erabiliko dute, eta hirugarrenik denda txikiekin ere jarri dira harremanetan. «Bide gorriaren ondoan gaudenez, jendeak bertatik erosteko asmoa ere agertu digu, baina momentuz aukera hori azkenerako uztea pentsatu dugu, aurretik besteetan zentratuz».

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Laborantza ekologikoa  |  Baratzetik mundura

Laborantza ekologikoa kanaletik interesatuko zaizu...
Tokioko aireportuari 50 urtez aurre egin dioten baserritar egoskor horiek

Japonian 2020ko Olinpiar Jokoak hasterako estreinatuko ote dute Tokioko Narita aireportuaren hirugarren pista? Agintariek proiektuari ekin eta 50 urte geroago, osatu ezinik segitzen dute beren lurrari eta lanbideari uko egin nahi ez dioten baserritarren erresistentzia dela medio. Jasandako presioengatik edo diru beharragatik amore eman badute gehienek, bakan batzuek eusten diete baratzeei bizirik. Hegazkinez inguratuta aitzurrean, erresilientzian maisu.


Nafarroako azoka ekologikoa, maiatzaren 18tik 20ra

Era guztietako produktuak egonen dira: esnekiak, ardoa, barazkiak, kontserbak… Guztira, 45 saltoki ipiniko dituzte, Nafarroako Nekazaritzako Produkzio Ekologikoaren Kontseiluaren eskutik, autobus geltoki zaharrean.


2018-03-18 | Jakoba Errekondo
Pozoiaren aho sabaia

Ardo eta sagardo ekologiko eta biodinamikoen beste muturrean daude ardo industrialak edo kimikoak. Azken hauek produktu kimiko sintetikoak erabiltzen dituzte; mahasti eta sagastietan hormonak, ongarriak, pestizidak, herbizidak eta abar, eta upategietan, antzera.

Produktu kimiko gehienak sintetikoak dira, hau da, industrietan sortutakoak. Gutxi batzuk besterik ez dira naturalak. Produktu kimiko horiek arrastoa uzten dute bai lurrean, bai ingurumenean, bai landareetan, bai fruituetan, bai... [+]


2018-03-11 | Jakoba Errekondo
Ardoa ilargitan

Nekazaritza ekologikoa puri-purian den honetan, biodinamika oinarri duen nekazaritzan ekoitzitako ardoek bereganatzen dituzte gero eta sari gehiago. Ikuskizun da mahats ardoetan bezala ote datorren sagardo, udareardo, garagardo eta abarretan.

Ardogintzan asko ikertzen ari da lurra aberastea eta zeruaren eragin integrala oinarri dituen nekazaritza hau. Ardoak ematen du, eta, zenbat eta naturalago, eta gehiago emango du: osasuna bezala txanpona. Frantzia da ikerketa mota horren lurralde... [+]


2018-02-15 | ARGIA
EHKOlektiboak agroekologiaren 11. topaketak burutuko ditu larunbatean Uztaritzen

EHKOlektiboak Euskal Herrian agroekologian ari diren laborariak biltzen ditu. Lau sailetan egiten du elkarte honek lan: laborantza biologikoa, bertako ekoizpenak eta salmenta zuzenak, elikadura burujabetza eta ikuspegi soziala. Datorren larunbatean, 17, Uztaritzen burutuko ditu bere 11. topaketak.


2017-12-31 | Garazi Zabaleta
ECOSEGELL
Nekazaritza ekologikoa eskolan lantzeko jolas digitalak

Ecosegell izeneko proiektua jarri du martxan Kataluniako Nekazaritza Ekologikoko Produkzioaren Kontseiluak (CCPAE). Eskoletan nekazaritza ekologikoaren oinarriak eta elikagai ekologikoen etiketa moduak ikasteko hezkuntza-baliabide digitala da Ecosegell, 10-14 urte bitarteko gaztetxoei zuzendua bereziki. Jolasen bidez gaiok lantzea eta gazteengandik gizartera zabaltzea du asmo proiektuak.

Ekimen berritzailea

Vida Sana elkartearekin batera sortu du kontseiluak proiektu pedagogikoa,... [+]


Lurzaindiak lehen baserria erosiko du Gipuzkoan, Ezkio-Itsasoko Hariztizabal mitikoa

Gipuzkoako nekazaritza ekologikoan aitzindarietakoa izan den Hariztizabal baserriaren transmisioa bermatuko du Lurzaindiak, jende artean bildutako diruz haren jabe egin eta baserritar gazteei errentan utziz.


Baserria eta berton bizi garenon etorkizuna

Jesus Mari Gonzalez Martinez eta Angela Linskey Abaltzisketako "Naera Haundi" baserrian bizi dira. Produktu ekologikoak (mermelada, esaterako) produzitzen zituzten duela gutxi arte. Ekoizleek 65 urte betetzean diru-laguntzak eteten zaizkiela-eta, ezin izan diote lanari eutsi.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


2017-10-08 | Garazi Zabaleta
Goierriko Baratza
Denda ekologikoz gain gizarte eragile

Ordiziako produktu ekologikoen denda txikia da Goierriko Baratza, duela 13 urte bi kideren artean sortua. “Hastapen hartan ez zegoen egungo eskaintzarik produktu ekologikoetan, eta ikusi genuen bazegoela modu horretako denda irekitzeko aukera”, azaldu du Danel Etxeberria Pascual kideak. Hasieratik bi kideek garbi zuten, ordea, negozio hutsetik haragoko proiektua izanen zela abiatutakoa. Kontsumo ekologikoaren gaia gizarteratzeko lan aktiboa eginen zutela, alegia.


Azkenak
EGILEA
Eguneraketa berriak daude