Lehertuko den hurrengo burbuila frackinga ote da?
Joan den astean AEBetan argitara eman diren txosten biren arabera, frackingaren zabalkundeak burbuila bat –eta haren eztanda– eragin dezake datozen urteetan. Frackingaz hitz egitean hedabideen arreta, batez ere, teknika horrek sortzen dituen kutsadura arazoei zuzendu zaie, baina “badago are mehatxu larriagoa”, dio Steve Horn kazetariak www.policyimic.com webgunean: “Frackingaren industriak pikutara bidal lezake munduko ekonomia”.
Zerikusirik ez hainbatek iragartzen duten burujabetza energetikoaren ametsarekin. Ezta ere, sikiera, erregai fosilik gabeko aroranzko trantsizio ordenatu batekin ere.
Txosten horietako batek izenburu ezin esanguratsuagoa du: Drill, baby, drill. Alegia: zulatu, laztana, zulatu. Egileak, David Hughes geologoak, honela laburbildu du bertan esandakoa: “Ustez, erregai fosilen ekoizpenean izandako aurrerapenek –arbel-gasari eta arbel-petrolioari dagokienez batik bat– energi oparotasun aro bat dakarkigute, are AEBentzat independentzia energetikoa. Alabaina, Ipar Amerikan baliabideon produkzioa nolakoa izan den, eta haren muga ekonomiko, geologiko eta ingurumenezkoak zeintzuk izan diren osoki aztertuta, ikusten da itxaropen horiek, ezinbestean, ez direla beteko”. Arrazoi bi aipatzen ditu Hughesek horretarako. Alde batetik, ustiatu diren arbel-gas hobiak, orain arte, oso azkar agortu dira, eta horiek ziren hobi onenak; ez da espero hobeak aurkituko direnik. Bigarrenik, bestelako erregai ez-konbentzionalen (hareetako petrolioa, ur sakonetako petrolioa…) tegiak handiak badira ere, gaur-gaurkoz baliabide handiegiak behar dira horiek modu egokian ustiatzeko. Hots, ezinezkoa da erregai horiek merkaturatzea, gauden-gaudenean.
Deborah Rogers finantza-analistak idatzi du bigarren txostena: Shale gas and Wall Street (Arbel-gasa eta Wall Street). Hona hemen bere azterketaren zenbait ondorio:
- Wall Streetek arbel-gasa lortzeko neurrigabeko zulaketak sustatu zituen. Ondorioetako bat izan zen prezioak ekoizpen-kostua baino txikiagoak izatea.
- Arbel-gas eta petrolio erreserbak benetan direnak baino askoz handiagotzat jo dira. Kasurik onenean, benetan dagoenaren bi halako dagoela estimatu da; txarrenean, lauzpabost aldiz gehiago.
- Gas naturalaren prezioa murriztu egin da, hein handi batean, gainprodukzioaren erruz. Horren helburua finantza-analisten helburuak betearaztea zen. (Ez legoke sobera gogoraraztea zein den Rogersen txostenaren azpititulua: Antolatua izan da gas naturalaren prezioaren beherakada?).
- Nahitaezkoa da eskistoaren benetako balioa neurtzea. Gaur egungo politikak produkzio-aurreikuspen baikorregietan oinarrituta daude.
Labur esanda: frackingari –eta erregai ez-konbentzionalak ustiatzeko beste edozein teknikari– eman nahi zaion bultzadaren atzean espekulazio hutsa legoke, taxuzko analisi geologiko batek esaten baitigu erregai horiek ez direla izango gure energia beharrak asetzeko behar ditugun soluzio magikoa. Beste eztabaida bat da frackingak eragiten duen kutsadurarena. Eta haren aldeko apustua noraino den galga klima aldaketaren aurkako borrokan. Eta agian ez ote behar genukeen, lehenbizi, gure energia beharrak zeintzuk diren hobeto finkatu.
[Unai Brearen Mundua ez da biribila blogetik hartutako artikulua]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.