Independentziaren aldeko plataforma aurkeztu dute Europako parlamentuan
Independentziaren Aldeko Europako Plataformak (European Partnership for Independence ingelesezko sigletan) aurkezpen ofiziala egin zuen atzo Europako parlamentuan. Igor Zulaika ezker abertzaleko kidea izan zen Euskal Herriko ordezkaria. Plataforma horren helburua autodeterminazio eskubidea onartzearen alde elkarrekin lan egitea da eta Flandria, Eskozia, Herrialde Katalanak eta Euskal Herriko ordezkariak biltzen ditu.
Europako parlamentuan atzo aurkeztu bazen ere, plataformak badarama denbora lanean. Besteak beste, otsailean Bartzelonan (Herrialde Katalanak) bere hirugarren biltzarra egin zuen. Ondoko kideak bildu ziren orduko hartan: Kevin Williamson, Scottish Independence Convention-eko zuzendaria (Eskozia); Steven Vergauwen, VVB-eko zuzendari exekutiboa (Flandria); Anna Arqué, WMP-eko bozeramailea (Herrialde Katalanak); Jon Ortiz, Nazioen Munduko ordezkaria (Euskal Herria) eta Rupert Gretl, Tirol hegoaldeko gonbidatu berezia.
