Euskal Herrian langile publiko izateko euskararen ezagutzarik ez eskatzea proposatuko du Ciudadanosek
Espainiako Kongresuan lege proposamena aurkeztuko du aste honetan Ciudadanosek, gaztelania ez estatuko beste hizkuntza koofizialak –euskara, katalana eta galiziera– ez daitezen eskatu administrazio publikoko lanpostuak lortzeko orduan. Beren hitzetan hizkuntza hauek “hesi bat” dira.
Alderdi eskuindarreko Kongresuko bozeramaile Jose Manuel Villegasek azaldu duenez, funtzio publikoko lanpostuen zenbait eskaintzatan, gaztelania ez diren beste hizkuntzak jakitea betekizun izan beharrean, soilik “meritu” izatea nahi du Cs-k. Hala, euren proposamenak enplegatu publikoaren estatutua aldatuko luke eta irizpide hori erkidegoetako araudien gainetik egongo litzateke.
Zirujauarena
Ciudadanosek, hizkuntza gutxituen inguruan dagoen aurreiritzietako bat erabili du bere ekimena justifikatzeko. Villegasen esanetan, irakasle katalan batentzat hizkuntza hori jakitea “betekizuna” litzateke, baina zirujau batentzat soilik “meritua”.
Balear Uharteetako Gobernuak dekretua kaleratu berri du –sindikatuen %65eko babesarekin– osasungintzako lanpostu deialdietan katalana jakitea betekizuna izan dadin eta profesionalek euren lana ondo egin dezaten. Neurriak eztabaida sorrarazi du erkidegoan.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.