2011. urtean Kataluniako Parlamentua inguratu zuten zortzi ekintzaileri hiru urteko kartzela zigorra jarri die Espainiako Auzitegi Gorenak. Estatuaren goi erakundeen aurkako delitua egotzi diete. Parlamentuak onartu behar zituen murrizketen aurka protesta egiten ari ziren.
Lehenago Espainiako Auzitegi Nazionalak emandako absoluzioak bertan behera utzi ditu zati batean Gorenaren sententziak. Horrenbestez, hogei ekintzailetik zortzi zigortu ditu eta beste hamabi absolbitu.
Sententzia ez da ahobatezkoa izan eta kontrako boto partikular bat egon da. “Sententzia politiko erabat argi baten aurrean gaude”, adierazi du auzipetuetako baten abokatu Eva Labartak La Directak jaso duenez.
Auzitegi Gorenaren sententzia batek boto partikular bat izatea “ez ohikoa” dela uste du Labartak eta Konstituzio Auzitegian jarriko duten errekurtsoari begira “oso positiboa” da datu hori bere ustetan. Errekurtsoa aurkeztearekin eta boto partikularraren existentziarekin, Konstituzio Epaitegian sententziarik egon arte zigorra jaso dutenak ez espetxeratzea espero du.
Ekintzaileen lehenengo absoluzioaren aurkako helegitea jartzea Fiskaltzak, Manos Limpiasek, Generalitateak eta Kataluniako Parlamentuak adostu zuten.
Bartzelonako Sant Jaume plazan kontzentrazioa deitu dute 20.00etan. Gironako Generalitatearen egoitzaren aurrean beste kontzentrazio batera ere deitu dute 20:30ean.
Sarean #JoTambeEstavaAlParlament traola erabiltzen ari dira elkartasuna adierazteko.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Sindikatuek eta hizkuntzaren aldeko erakundeek "atzerakoia eta diskriminatzailea" dela esan dute eta mobilizazioak iragarri dituzte. Sakon landu dute gaia La Directan.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".