Herri Sanferminak ekimenak oso balorazio baikorra egin du aurtengo jaien inguruan. Hainbat kontu hobetu behar dela eta hainbat arlotan sakondu behar dela uste dute, baina datorren urteari begira hobetzeko aukera ikusten dute. Eragile eta herritarren parte hartzea nabarmendu dute.
Azken bi urteetan Gora Iruña herri ekimenak Arga ibaiaren ondoan antolatu izan du festa gunea, Arrotxapea auzoan. Aurten ordea, Alde Zaharreko hiru plazetan banatu dute festa gunea: San Jose Plazan, Errekoleta Plazan eta San Frantzisko Plazan. Ondorengo bideoan Herri Sanferminak ekimenak aldaketaren balorazioa egin du.
(Albiste hau Ahotsa.infotik ekarri da honek duen CC-by-sa lizentzia baliatuta)
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.
Sexu erasoak gaitzesteko elkarretaratzea deitu du Iruñerriko Mugimendu Feministak astelehenean 21:00etan Gaztelu Plazan. Cristina Ibarrola alkateak dio "sexu erasoak kenduta" festak lasaitasunez ospatzen ari direla.