'Hazte oír' plataformaren liburuxka homofoboa giza eskubideen kontrako erasoa dela esan du Iruñeko Udalak

Artikulu hau CC BY-SA 3.0 lizentziari esker ekarri dugu.

2016ko abenduaren 20an - 09:46
Iruñeko Udalak LGTBIQ bandera jarri zuen aurrealdean.

Hazte Oír elkarteak 29.000 panfleto igorri ditu Espainiako Estatuko ikastetxe publiko eta kontzertatuetara Badakizu zer irakatsi nahi dioten zure seme-alabari eskolan? Doktrinamendu sexualaren inguruko legea izenburupean.

Nafarroara ere iritsi dira. 500 bat banatu dituztela uste dute CCOO sindikatutik, eta zenbait salaketa iritsi zaizkie. Arazoa ikusita, gaitzespen testua onartu du Iruñeko Udalak. "Arbuiorik irmoena" azaldu du Herritarren Auzietarako Batzordeak, eta hezkuntza komunitatea hertsatu nahi dutela salatu, umeen hezkuntza sexu-afektiboa eta LGTBI pertsonen eskubideen inguruan.

Hori dela medio, Hezkuntza Departamentuari eskatu dio "behar diren neurriak" har ditzan.

Sexu eta genero dibertsitatearekiko "errespetua eta konpromisoa" dituela berretsi du Iruñeko Udalak, eta oroitarazi du, bide horretan, Sexu eta Genero Dibertsitaterako Arreta Zerbitzua eta irekitzekoa den LGTBI zentroa bultzatu dituela.  

Panfletoko zenbait ale

"Legeek bi herritar maila instituzionalizatzen ari dira, LGTB eta heterosexualak. Lehenengo horiek, legalki pribilegiatutakoak; bigarrenak, bigarren maila batean utziak". Heterosexualak baztertuta daudela ziurtatzen du liburuxkak.

"Heterosexuala izateak herritarrek homofoboak izatearen susmagarri bihurtzen ditu". Idatzi dute beste atal batean.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Homofobia
Bi eraso homofobo salatu dituzte Gipuzkoan

Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.


Bi homofobok sudurra apurtu diote Asierri Bilbon: "Kikilduta nahi gaituzte, erantzun egin behar zaie"

Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]


2023-07-26 | Ilargi Manzanares
Elantxoben eta Bilbon eraso LGTBfoboak salatu dituzte

Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.


Urruntze agindua ezarri diote Villabonako eraso homofoboaren harira epaitutako bati

Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.


Bikote homosexual batek eraso homofobo eta arrazista jasan duela salatu du Villabonan

Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.


Eguneraketa berriak daude