Gure Esku Dagoren dinamikari jarraiki, herri galdeketa iragarri du Demoarsok Errenteria, Pasaia, Oiartzun eta Lezon. Bertako herritarrek 2017ko martxoaren 19an dute hitzordua.
Orain arte lan taldetan jardun dute proposamena eraikitzen, herriz herri, bultzatzaile guztien adostasuna erdietsi arte. Aurrera begira “prozesu sendo eta parte hartzailea” abiatuko dutela iragarri dute. “Herritarrak erabakitzeko subjektu indibidual eta kolektibo” sentiarazteaz gain, “antolaketa politikoari buruz” eztabaidatzea dute xede.
Zenbait erronka finkatu dituzte. Sinadurak biltzen hasi dira: biztanleriaren %10aren babesa lortzea dute helburu, 5.200 herritarrena. Galdera zehazteke dago, eta herri bakoitzak du horretarako ardura. “Galdera zehazteko prozesua parte hartzailea izango da”, adierazi dute Demoarsotik. Adosgunea ere osatuko dute, “prozesuaren jarraipena egin eta bermea emateko”.
Herri galdeketak Euskal Herrian
Geroz eta gehiago dira herri galdeketen dinamikarekin bat egin duten herriak. Azpeitian, Aramaion eta Debagoienan ekainaren 12an egingo dituzte kontsultak, eta Goierrin, Diman eta Ispasterren ekainaren 19an. Bakaikuk, Hernanik eta Usurbilek ere ekimenarekin bat egiteko asmoa iragarri dute.
Etxarri Aranatzen egin zen lehen herri kontsulta, 2014an. Urte berean, Arrankudiagako herritarrei ere galdegin zieten gaiaren inguruan.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]