Baztan, genero beltzeko literaturaren hiriburu urtarrilaren 16tik 22ra

  • Hiru urtez jarraian egiten den zerbaitek merezia omen du tradizio izena eta beraz, Baztango Euskal Nobela Beltzaren Astea, Ilbeltza, jada ezinbesteko zita bihurtu dela esan liteke: asteartean aurkeztu zuten aurtengo egitaraua eta edukiz beteta dator.

ARGIA @argia
2017ko urtarrilaren 04a
Asteartean aurkeztu zuten aurtengo Euskal Nobela Beltzaren Astea (argakzia: Ilbeltza).

Urtarrilaren 16arekin hasiko da txipiroi tintaren koloreko literatura Nafarroako eskualdean barreiatzen. Patxi Larrion idazle iruindarraren Feriatzaileak nobelak jarriko du hizpidea Arizkungo liburutegian 19:30etik aurrera. 1969ko Iruñean girotua, Patton filma errodatzen zuten bitartean bi gaztek egin zituzten martingala eta feriatzeak dira iazko irailean publikatu zen eleberriaren ardatza.

Miel A. Elustondo kazetari eta ARGIAko kolaboratzaileak emango dio segida Nobela Beltzaren Asteari, Beltz guztiak ez dira bele (Gotzon Garateren oroimenean) izeneko hitzaldiarekin. Anizko elkartean antolatu dute solasaldia, 2008an hil zen idazlearen lana ardatz hartuta.

Film laburrak eta trama politiko beltzak

Letretatik ikus-entzunezkoetara pasako dira ondoren, urtarrilaren 20an, Euskal Harriaren ABDak film labur sortaren emankizun batekin. Elizondoko Arizkunenea Kultur Etxean da zita, eta film horietan parte hartu zuten hiru egile izango dira bertan: Ane Urkiola, Beñat Iturriotz eta Santi Leoné.

Urtarrilaren 21eko larunbata ageri da beteen programan, goizeko 11etan hasita Iratxe Fresneda EHUko irakasleak eta Gorka Bereziartua ARGIAko kazetariak izango duten solasalditik abiatuta. Mikel Soto Txalaparta argitaletxeko editoreak moderatuta, Fikziorako argudioak politikaren trama beltzetik izango dituzte hizpide Elizondoko Arizkunenea Kultur Etxean.

Genero beltzaren aurtengo uzta

14:00etan Erratzuko Etxeleberteko txokoa elkartean bazkaldu ondoren, hainbat liburu aurkeztuko dituzte: Eneko Aizpuruaren Lehertu da festa, Itxaro Bordaren Ultimes déchets, Miren Gorrotxategiren 33 ezkil eta Ander Odriozolaren Freeport, denak ere intrigaren eta genero beltzaren alorrekoak.

“Susmagarrien gaua” prestatu dute segidan Erratzuko ostatuetan barna eta atzetik, 21:00etan, Markos Untzetaren kontzertua. Blues-folk ukituak dituen popa egiten du musikari eibartar autodidakta honek.

Biharamun handirik gabe esnatzea aurreikusten dute urtarrilaren 22an, Lekarozko plazan ipuin kontaketa teatralizatua prestatu baitute 11:30ean. Arratsaldeko 19:00etan bukatuko da aurtengo Euskal Nobela Beltzaren Astea Elizondoko Arizkuneena Kultur Etxean: 19:00etatik aurrera Julio Soto, Andoni Egaña, Onintza Enbeita eta Alaia Martin ariko dira bertsotan Josu Goikoetxeak jarritako gaiei erantzunez.

Kanal hauetan artxibatua: Euskal nobela beltza  |  Baztan

Euskal nobela beltza kanaletik interesatuko zaizu...
2017-05-18 | Erran .eus
Ernesto Pratek 'Telleria eta gero, zer?' liburu berria aurkeztu du

Ernesto Prat Urzainik Telleria eta gero, zer? aurkeztu du maiatzaren 17an Elkar argitaletxearen eskutik, bere hirugarren eleberria.


Urte osoa irauten duen nobela beltzaren astea

Nobela beltzaren inguruan askotariko ekitaldiak antolatu ohi dituzte urtarrilarekin zazpi egunez, webgune ondo betea dute urte osoan, eta orain berriz, (H)Ilbeltza beka aurkeztu dute. Aste izatetik urte izatera bidean da Baztango (H)Ilbeltza.


Bi pertsona tiroz hilda, sute bat, ustelkeria: nobela beltz bat hemeroteka gipuzkoarrean

Baztango Udalak eta Txalaparta argitaletxeak euskarazko literatura beltza sustatzeko beka jarri dute martxan. 6.000 euroko laguntza dago mahai gainean, zeina kutsu beltzeko euskal nobela-proiektu onenaren egileak poltsikoratuko duen. “Nik idatziko nuke, baina ez dakit zer kontatu”, edo estiloko aitzakiak jarriz prokastinazioaren atzaparretan erortzear direnak salbatzeko premia sentitu dut. Istorio hau benetako gertakarietan oinarrituko da (inork idazten badu).


Nobela beltza idaztea sustatuko du '(H)Ilbeltza' bekak

(H)ilbeltza elkarteak, Baztango Udalak eta Txalaparta argitaletxeak aurkeztu dute deialdia, eta lanak ekainaren 23ra arte bidal daitezke.


2016-11-20 | Iratxe Retolaza
Gorpuak ur azalera nola

33 ezkil estreinako nobelan, giro gris eta iluna eraiki du Miren Gorrotxategik. Ferminek gizaki-burezur bat topatzen du, baserriko lurretan ur-depositu bat jartzeko lanetan ari dela. Burezurraren auziak aspaldian izozturiko harreman zenbait biziberritzea ekarriko du: Fermin eta Karmen senar-emazteek Nestor semeari hots egingo diote; eta Nestor, bide batez, Berta neska-lagun ohiarekin jarriko da harremanetan, indusketa-lanetan jardun ohi duelako. Garizmendi baserrira garamatza gertaerak, baina,... [+]


2016-06-14 | ARGIA
'Lehertu da festa', Donostia 2016 ardatz duen nobela aurkeztuko dute asteazkenean

Eneko Aizpurua idazleak asteazkenean, ekainak 15, aurkeztuko du bere hirugarren nobela. Bere aurreko lanak bezala, genero beltzean kokatzen da eta seguraski Donostia 2016 literaturarako lehengai bihurtu duen lehenbiziko lana da.


Nobela beltzak zita garrantzitsuak ditu Baztanen igandera bitartean

Euskal Nobela Beltzaren Asteak bigarren edizioari ekingo dio astelehen honetan. Igandera bitartean, konspirazioa, delitua eta letrak ez dira faltako Baztanen.


2012-03-15
I˝aki Irasizabalek 'Orbe auziaren ingurukoak' nobela beltza plazaratu du

Iñaki Irasizabal idazle durangarrak Orbe auziaren ingurukoak eleberri beltza plazaratu du Elkar argitaletxearen eskutik.


Eguneraketa berriak daude