Gehiengo sindikalaren babesik gabe onartu du Jaurlaritzak Arabako metalgintzako ituna
Arabako Aldizkari Ofizialean publikatu duten lan-hitzarmenak soilik langileen ordezkaritzaren %30eko babesa dauka. ELAk eta LABek antidemokratikotzat jo dute erabakia.
Eusko Jaurlaritzak beste marra bat igaro du ELA eta LAB bazterrean uzten dituen estrategian: lehen aldiz lan-hitzarmen bat sinatu eta argitaratu du sindikatuen gehiengoaren babesik gabe. Irailaren 14an Arabako Aldizkari Ofizialak metalgintzako ituna argitaratu du (pdf), Eusko Jaurlaritzak , patronalak eta CCOO eta UGT sindikatuek sinaturik. Buletinak dio ELAk eta LABek ez dutela hitzarmena sinatu, baina ez du zehazten sindikatu bakoitzaren babes maila. Hala, langileen %30 baino ez dago ordezkatuta itun horretan.
Joan den uztailean hitzartu zuten patronalaren, sindikatu estatalen eta Jaurlaritzaren artean “eragin mugatuko itunak” sinatu eta babestea, gehiengo sindikalaren gainetik. Horrek berehalako erreakzioa ekarri zuen LAB eta ELAren partetik: “Arau demokratikoak arbuiatu dituzte eta hori larria da”.
Orain, norabide horretan beste urrats bat egin dute eta praktikara eraman dute hauteskunde sindikalen bidez lorturiko ordezkaritza mailak kontuan hartzen ez dituen negoziazioa kolektiborantz. Arabako metalgintza ituna Lan Hitzarmenen Arabako Bulegoan erregistratuta geratu da beraz.
Eta gauza bera legebiltzarrean egingo balitz?
LABen ustez “erabateko salbuespen egoera bati normaltasuna eta babesa” eman nahi dio itunak, eta galdera zuzena egin dio Iñigo Urkulluri konparaketa bat eginez: “Prest al zaude onartzeko eta argitaratzeko Gasteizko Legebiltzarrean gutxiengo batek erabakitzen duena?”. ELAk ere konparaketa bera egin du eta horrela egingo balitz “eskandalu hutsa” litzatekeela dio.
Hala, “oinarri demokratikoak” defendatzeko Gasteizen irailaren 20an egingo duten elkarrretaratzera joateko deia luzatu dute berriz ere bi sindikatuek.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
