"Gehiengo sindikala baztertzeko" estrategia salatu dute sindikatu abertzaleek

  • Elkarretaratzea egingo dute hilaren 20an, Lehendakaritzan, Zenbait eragilek uztailean sinatutako negoziazio kolektiboaren aurka.

Jon Ander De la Hoz Arregi @delarregi
2016ko irailaren 13a
ELA eta LAB sindikatuetako ordezkariek irailaren 20ko elkarretaratzerako deialdia egin dute. [Argazkia: @labsindikatua]

Iragan uztailean Eusko Jaurlaritzak, Confebask patronalak eta CCOO eta UGT sindikatuek Elkarrizketa Sozialerako Mahaian sinatutako akordioa deitoratzeko elkarretaratzera deitu dute ELAk eta LABek datorren irailaren 20rako. Hauteskunde kanpaina bete-betean, Lehendakaritzaren aurrean elkartuko dira sindikatu abertzaleak. Eurek osatzen duten gehiengo sindikala –EAEko ordezkarien %59 dute ELAk eta LABek– eta hauteskunde sindikaletako emaitzak ez errespetatzea arbuiatuko dute.

Berria-ren arabera, akordioaren sinatzaileak posible den sektoreetan hitzarmenak berritzen saiatuko dira, akordio orokorren bidez. CCOO eta UGTk gehiengorik ez duten esparruetan, aldiz, eragin mugatuko itunak zabalduko dituzte. Jaurlaritzak, bere aldetik, lege gordailuan argitaratuko ditu gutxiengoan sinatutako akordio horiek.

LABeko idazkari nagusi Ainhoa Etxaidek uste du akordioa luzera begira egin dutela, eta “patronalarentzat estrategikoa” delakoan dago: “Gu erditik kentzeko bide bat planteatzen dute”. Bere aldetik, Adolfo Muñoz ELAko buruaren arabera, “patronalak pozik egon behar du, gobernuan badaudelako beretzat lanean ari diren pertsonak, inolako lotsarik gabe”.

Eusko Jaurlaritza jo puntuan jarri du Muñozek, “eskrupulu eta printzipio gabe” patronalarekin eta Espainiako sindikatuekin hitzarmena sinatzeagatik. Bere esanetan, demokraziaren aurkakoa da langileek hauteskundeetan erabakitakoari errespeturik ez izatea.

Kanal hauetan artxibatua: Sindikalgintza  |  Gasteiz

Sindikalgintza kanaletik interesatuko zaizu...
Aste osoko grebak deitu dituzte hezkuntza publikoan

EAEko hezkuntza publikoan mobilizazio berriak iragarri dituzte ELA, LAB eta STEILAS sindikatuek, urtarriletik ekainera bitarte (ikusi behean mobilizazioen egutegia). Eusko Jaurlaritzarekin akordiorik lortu ezean, besteak beste langile guztientzako hiru greba egun eta sektoreka aste osoko grebak dituzte aurreikusita.


2018-01-11 | ARGIA
Akordioa greban ziren Bilboko Euskalduna Jauregiko langileen eta zuzendaritzaren artean

Guztira 45 dira Eulen enpresak kontratatuta Bilboko Euskalduna Jauregian diharduten langileak. Zuzenean kontratatutako langile horien lan bera egin arren euren lan-baldintzak askoz ere kaxkarragoak ziren; grebara jo zuten.


Panpi Sainte-Mariek jendarmeen aurrean defenditu du ahateak eta baserritarrak salbatzeko herri harresia

Bi orduz galdekatu dute Panpi Sainte-Marie ELBko idazkari nagusia Mauleko jendarmerian, Barkoxeko Uhartia etxaldean hazten dituzten ahateak administrazioaren aginduz hiltzea eragozteko mobilizazioagatik. Sainte-Mariek uko egin dio galdeketa luzean egindako 50 galderetako bakoitzari erantzutea, baina bere kabuz egindako deklarazioan adierazi die hegaztien eritasuna baino arriskutsuagoak direla administrazioaren neurriak.

 


2018-01-10 | ARGIA
Macriren "eraso neoliberala" salatu eta argentinarrei elkartasuna adierazi diete sindikatu ugarik

Argentinan gertatzen ari denak “biziki larritzen” dituelako, ohar bateratua atera dute LAB, ESK, STEILAS eta Espainiako Estatuko hainbat sindikatuk. Macriren gobernua “eraso neoliberala” egiten ari dela uste dute, eta ondorengoa bilatzen duela: lan baldintzen prekarizazioa, gastu publikoaren murrizketa, sektore publikoaren pribatizazioa, eta honekin batera, askatasunen eta oinarrizko eskubide zibilen deuseztapena. Argentinako herriaren erantzuna azpimarratu nahi dute.


2018-01-10 | ARGIA
Ahate-hiltzeen aurkako ekintzengatik jendarmeen aurrean deklaratu beharko du ELBko idazkari nagusiak

ELBko idazkari nagusia jendarmeen aurrean deklaratzera deitu dute iaz ahateen hiltzearen kontra egindako mobilizazioarengatik.


2018-01-10 | LAB sindikatua
Sareren Bilboko manifestazioan parte hartzeko deia egin die LABek euskal langileei

"Bada garaia euskal presoek pairatzen dituzten urraketei amaiera emateko. Bada garaian presoen aferan adostasunak eraikitzeko", adierazi du sindikatuak.


2018-01-10 | ELA sindikatua
Asuncion Klinikako langileek greba deialdiarekin aurrera segitzea erabaki dute

"Abenduaren 13 eta 20an aurrera eramandako lanuzteek erabateko jarraipena izan zuten langileon aldetik. Ondorioz, enpresak negoziatzera deitu gintuen. Hala ere, aurkeztu ziguten proposamena gure errebindikazioetatik oso urrun dago", azaldu dute langileek. 


2018-01-10 | Imanol Karrera
Parisetik Bilbora Nafarroatik bultza, prest gaude

Abenduaren 9an manifestazio alai eta erreibindikatiboa egin zuten hamaika mila pertsonak Pariseko karriketan “Orain presoak” lelopean. Manifestazio hori, berriz, ez da  mobilizazio bat gehiago izan, dinamika orokor baten zutabe garrantzitsua baizik. Denbora luzez landu duten dinamika horren bitartez Frantziako Gobernuak euskal presoekiko duen jarrera aldatzea lortu nahi da. Horretarako, lehenik eta behin, Ipar Euskal Herriko alderdi politiko, sindikatu eta eragile sozialen... [+]


2018-01-04 | ARGIA
Urkullu eta Mu˝ozen arteko eztabaidan, 'Zuloan' liburuak erakusten duen "esplotazioa" mahai gainean

Eztabaida bizia sortu da azken asteotan Iñigo Urkullu lehendakariaren eta ELA sindikatuaren artean, euren arteko harremanik ezaren inguruan.


2018-01-03 | ARGIA
Osakidetzak baliabide faltagatik eguberrietan "gainezka" egin duela salatu du ELAk

“Osakidetzak bizi duen prekarietate egoera muturrera heldu da Gabonetan”, adierazi du ELA sindikatuak. Zuzendaritzek askotan baimenak ukatu dituztela nabarmendu du; eta hala ere ez dagoela pertsonal nahikorik lehen arreta eman ahal izateko.


Azkenak
EGILEA
Eguneraketa berriak daude