Akusazio partikularrak eskatu du bederatzi urteko kartzela zigorra ustez Ester Quintanari tiroa bota zion poliziarentzat, eta hori agindu zuenarentzat. Sententziaren zain geratu da epaiketa.
Mossoen inspektore ordeak eta eskopetariak deklaratu dute asteartean. Inspektore ordeak eta eskopetariak ez ditu erantzun akusazio partikularraren galderak, eldiaro.es hedabideak jaso duenez.
Fiskalaren galderei erantzunez, inspektore ordeak azaldu du 12-15 lagun ari zirela botilak eta harriak botatzen Poliziaren furgonetetara. Talde hori sakabanatzeko, eskopetariari adierazi zion “jaurtigairik gabeko” tiroak egiteko.
Eskopetariak adierazi du ez zuela gomazko pilotarik bota, eta onartu du poliziaren esku-hartzea ez zutela megafonia bidez abisatu. Polizien ustez, beraien jokabidea “ez zen kaltegarria” izan, eta “proportzionala” izan zen. Epaiketan erakutsi dituzten irudietan ikus daitekeenez, ordea, Quintana zauritu zuten lekuan ez zegoen inolako istilurik.
Fiskalak eta akusazio partikularrak eskatu dute bi eta bederatzi urte arteko espetxe zigorra akusatuentzat; defentsak, berriz, akusatuen absoluzioa. Fiskalaren ustez, Mossoek “arduragabekeria larria” egin zuten eta adierazi du poliziak tiro egin zuela, “nahiz eta egoera lasaia izan”.
Quintanaren abokatuak “ekintza larritzat” jo du tiroak egin izana, eta adierazi du poliziek ez zituztela “segurtasun neurriak bete, esperientzia profesionala badute ere". Asteazkenean aurkeztu dituzte behin betiko informeak, eta sententziaren zain geratu da epaiketa.
2012ko maiatzaren 14an, greba orokor eguna izan zen Bartzelonan. Manifestazioa bukatuta, Esquadra Mossoek jaurtitako gomazko pilota batek aurpegian jo eta ezkerreko begia galdu zuen Quintanak.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]