Euskalduna Jauregiko langile azpikontratatuek greba hasi dute

  • Lehenago langile borroka askoren testigu izandako Euskalduna ontziolaren leku berean, orain Bilboko musika eta biltzar gune handiena den eraikinean, zerbitzu osagarriak eskaintzen dituzten 45 langilek greba mugagabeari ekin diote abenduaren 28tik aurrera, euren lan baldintzak hobetzea eskatzeko.


2017ko abenduaren 28an - 09:41

Euskalduna Jauregia SA foru sozietatearen jabetza Bizkaiko Aldundiak du baina hainbat zerbitzu azpikontrataturik dauzka, hala nola aretoen muntaia eta desmuntaia, atezaintzan laguntzea, leihatilako ardura, harrera eta arropazaindegia.

Lan horiek Eulen enpresak egiten ditu. Zerbitzuak kanporatzen aditua den konpainia multinazionalak 14 herrialdetan ia 86.000 langile kontratatzen ditu, oso baldintza desberdinetan, eta iaz 1.500 milioi euroko fakturazioa izan zuen.

Euskaldunako langile azpikontratatuek eskatzen dute, besteak beste lanaldien inguruko araudia errespetatzea –gehienezko langa gainditzen dute–, plusak bermatzea eta soldatak eguneratzea. Diotenez, soldata prekarioak dituzte, azken urteetan ez dutelako inolako igoerarik izan. Bestalde, lan egutegi bat ere eskatu dute: “Lanerako prest egon behar duzu edozein momentutan eta ordutegia noiz nahi aldatzen digute aldez aurretik abisatu gabe”.

Langileek ez dute Eulen-en aldetik borondaterik ikusten egoera hori konpontzeko eta horregatik hasiko dute borroka greba bidez ELA sindikatuaren babesarekin.

Bilboko museo eta kultur eraikinetan gatazkak biderkatu egin dira azken urteetan, azpikontratazioak sorturiko prekarietatea tarteko, 2016ko Guggeheim museoko hezitzaileena eta Arte Ederretako langileena kasu.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude