Euskal Kulturgintzaren Transmisioa aditu tituluaren seigarren edizioa prest dute

  • Prest da Euskal Kulturgintzaren Transmisioa (EKT) aditu tituluaren seigarren edizioa eta matrikula egiteko epea zabalik da. Gorka Urbizu, Mursego, Benito Lertxundi, Joseba Zulaika…, beti bezala, izen eta izan handiko kulturgileak, eremu askotarikoak.

Eneko Azkarate  |  Goiena @goiena
2016ko uztailaren 22a
EKT aditu titutuluaren seigarren edizioan parte hartuko duten hizlariak.

"Inoizko ediziorik onena osatu dugu" diote antolatzaileek. Mondragon Unibertsitatearen 2016-2017rako, Aretxabaletako campusean prestatu du aditu titulua da, edizioz edizio sona handiagoa daukana.

Azken edizioan bezalaxe saio presentzialak hilean behin emango dira, modu trinkoan, asteburuetan. Bestetik, hizlariekin hartu-eman sakonagoa izateko aukera egongo da. Aurreko edizioetan bezala, oraingoan ere, euskal kulturaren ordezkari ezagunek hartuko du parte Mondragon Unibertsitatearen Aretxabaletako campusean egingo diren saioetan.

Hilean behin urrian hasi eta ekainera arte

Ikasle eta hizlariak hilean behin elkartuko dira, hileko asteburu batean. Zapatuan 09:00etan hasi eta domeka 13:30era arte. Urrian 22an hasiko dira eskolak eta amaituko dira 2017ko ekainaren 18an.

Mondragon Unibertsitateko Humanitate eta Hezkuntza Zientzien Fakultateko Aretxabaletako campusean izango dira saioak eta otorduak ere bertan izango dira. Behar duenarentzat, lo egiteko lekua ere egongo da.

Honakoa da egutegia:

2016:

  • Urria: 22-23
  • Azaroa: 26-27
  • Abendua: 17-18

2017:

  • Urtarrila: 21-22
  • Otsaila: 11-12
  • Martxoa: 18-19
  • Apirila: 8-9
  • Maiatza: 6-7
  • Ekaina: 17-18

Aurreko edizioetan landutako bi gaietan sakontzen jarraituko dute hurrengoan ere. 

Batetik, euskaldunon nazio kulturalaren afera. Eztabaida askoren erdigunean dauden gaiak jorratuko dituzte: "memoria-ariketek identitatearen eraikuntzan duten lekua bezala, subalternitate-ariketak dialektikoki gurean nola gertatzen diren aztertzea".

Bestetik, mikrosoziologia, adibidez, familiaren baitan bideratzen den kultur transmisioari erreparatu nahi diote.

Horretaz gain, honako gaietara hurbilduko dira: gaur egungo gizarte garaikidearen gakoak, benetakotasun kontzeptuaren adierak gizarte (hiper)modernoan, kultura eta ekonomiaren arteko loturak merkatu-logikaren testuinguruan e.a.

Euskal kulturaren erronkak gaurko gizartearen auzien baitan:

Joseba Zulaika, Iban Ayesta, Ibai Iztueta, Gema Lasarte, Eduardo Apodaka, Uxoa Anduaga, Kepa Fernández de Larrinoa, Ana Gandara, Markos Zapiain.

Kultura eta identitatea:

Joseba Sarrionandia, Jose Angel Irigaray, Eneko Bidegain, Mari Jose Azurmendi, Itsaso Olaizola, Izaro Arroita, Lorea Agirre, Ane Albisu, Juan Inazio Hartsuaga.

Kultura eta ekonomia:

Joxe Mari Larramendi, Itziar Nogueras, Xabier Alkorta, Miren Manias, Joseba Barandiaran, Miren Azkarate, Aitor Arregi.

Sortzaileak: mamia eta atsegina

Literatura: Itxaro Borda, Castillo Suarez; Dantza: Oier Araolaza; musika: Mixel Ducau, Benito Lertxundi, Maite Arroitajauregi-Mursego; Gorka Urbizu, Joseba Tapia; bertsolaritza: Ainhoa Agirreazaldegi; zinema: Aitor Arregi, Iban Ayesta.

SORguneak ikertegia: formazio teorikoa eta aurreko edizioetako sozializazioa

Iñaki Urruzola, Nekane Goikoetxea, Julen Arexolaleiba

Matrikula: urriaren 14ra arte

Adituan izena emateko zabalik egongo da matrikula epea 2016ko uztailaren 18tik urriaren 14ra. Bi modu daude matrikula egiteko:

Irailetik aurrera Eskoriatzara etorri, Humanitate eta Hezkuntza Zientzien Fakultatera. Goizez, 08:30-12:00; arratsaldez, 14:30-17:30

Bidalita izen-emate orria eta matrikulazio orria posta arruntetik, gutun zertifikatuan, hurrengo helbidera: Humanitate eta Hezkuntza Zientzien Fakultatea. Dorleta auzoa z/g. Eskoriatza 20540 (Gipuzkoa).

Prezioa

Matrikula: 2.500 euro (hiru zatitan ordaintzekoa), MUkide Mondragon Unibertsitateko ikasle ohien elkarteko kideek %10 merkeago. Bestetik, Otorduak eta lotarako tokia: beste 300 euro inguru. Interesatuak kulturgintza@mondragon.edu helbidean aukituko du informazio gehiago.

Kanal hauetan artxibatua: Kultura  |  Unibertsitatea

Kultura kanaletik interesatuko zaizu...
2017-10-22 | Reyes Ilintxeta
"Direna izatea baimentzen zaien lehen belaunaldia dira haur transexualak"

Urteak daramatza lanean UEUko Nafarroako arduradun, askotan korrontearen kontra, unibertsitate horren balioen alde. Duintasun eta identitateen aldeko beste ekimen handi batean dabil buru-belarri: bere haur txikiena bezala, transexualitate egoeran dauden haurren eskubideak aldarrikatzen ditu Chrysallis Elkartetik.


2017-10-22 | Kepa Matxain
"Elektronikaz aritu nahi dugu kantak sortzera deituak sentitzen ez direnekin"

Mila modutara diseina daiteke elektronikari buruzko tailer bat. Irakats dezakezu ohiko softwarea erabiltzen, edo behar dituzun tresnak zuk zeuk sortzen. Muga zaitezke teknika hutsera, edo jar ditzakezu soinuak testuinguruan. Bere horretan onar dezakezu elektronikaren historia, edo saia zaitezke ertzeko ahotsak erdiguneratzen. Ohiko gidaliburuetatik haragoko ikuspegiak irakasten saiatzen dira Madrilgo Escuela de Oficios Electrosonoros proiektuko kideak.


Ikasitakoa partekatuz

Arantxa Urretabizkaiak dioenez hogei urte behar izan ditu idatzi nahi zuen lan hau papereratzeko. Eta ez da harritzekoa. Irun eta Hondarribiako alardeen gaiaz ari da bertan, “euskal gatazka” izendatu daitekeen gure tira-biretako batez. Tabu izateraino heltzen den horretaz.

Kronika, testigantza, saiakera eta autobiografia topa daitezke Bidean ikasia liburuan. Kazetaritzatik hartutako behatzaile (ahalik eta) objektibo(en)a dugu batzuetan, bere inguruan gertatzen ari dena deskribatu... [+]


2017-10-22 | Joxi Ubeda
Arima sutsuak

Rock doinu indartsuak jotzen ditu Deus Ez taldeak, bizitasun eta energia handiarekin. Hainbatetan rock gogor ukituak antzeman daitezke kantuetan, eta melodiak ongi zaintzen dituzte. Rock alternatiboa delakoaren kutsukoak dira beren kantuak.

Beren lehen diskoa jadanik kalean dute. Grabazioa Iruñeko Drum Groove Studioan egin dute, Josu Ervitirekin. Teknikari lanak egiteaz gain ekoizle ere izan da, eta denen artean soinu mardula eta trinkoa gauzatu dute, ozena. Josu eta Eric abeslari eta... [+]


"Baldintza minimoetatik behera egin genuen lan Sautrelan azken urte osoan"

ETBk erabaki du ez duela gehiago emitituko astero literaturari eskaintzen zion Sautrela programa. Saioaren zuzendari ohiak, Beñat Sarasolak, esplikatu du zer proposatu zitzaion telebistako zuzendaritzari, programak martxan jarraitzeko.


2017-10-18 | Estitxu Eizagirre
Gasteizko Zapateneoak XV. urteurrena ospatzeko egitarau zabala antolatu du

Urriaren 16tik 31ra bederatzi ekitaldi antolatu dituzte. Horiek denak eta pegatina politikoen erakusketa, Zapatari kaleko 93. zenbakian.


2017-10-18 | Andoni Mikelarena
Zein filmetan oinarritu da Durangoko Azokako kartela?

Jose Antonio Sistiaga margolaria izan da 52. edizioko kartelaren egilea eta “Sormenaren lurraldea DA!” leloa aukeratu dute datorren ediziorako. Abenduaren 6tik 10era egingo da Durangoko azoka.


Senide eta lagunak ere, preso

Arabako presoek bizi dituzten salbuespen-egoerak eta eskubide urraketak mahai gainean jarriko ditu Askerock jaialdiak; Willis Drummond, Esne Beltza edota Riot Propaganda izango dira urriaren 21ean Gasteizko Mendizabalan. 


'Patria' operazioa: erregimenak euskal gatazka behar du legitimatua sentitzeko

Fernando Arambururen Patria nobelak irabazi du, aurreikuspen guztiak betez, Espainiako Narratiba Saria. Euskal gatazkari buruzko “behin betiko nobela” izateko bokazioz sortutako produktu literarioak badu, honenbestez, aitortza definitiboa eta badirudi beste puska batean liburu-dendetako lehen lerroan izango dugula.


2017-10-17 | Jon Torner Zabala
"Emakumeak euskal komikian" hitzaldia Bilbon, Josune Mu˝ozen eskutik

Bilboko foru liburutegian ikusgai dagoen "Euskal komikia 1975-2017" erakusketaren baitan, "Emakumeak euskal komikian" hitzaldia emango du Josune Muñoz ikerlariak gaur, asteartea, 19:00etan.


Eguneraketa berriak daude