Esther Quintana: "Gomazko pilota baten azken biktima izan nahi dut"

  • Esther Quintanak, iazko azaroan Mossoek jaurtitako pilota batengatik begia galdu zuen emakumeak, salatu du inork ez duela gertatutakoaren erantzukizunik bere gain hartu: "Gertatu zaidana edonori gerta dakioke, zure semeari, amari, bikotekideari".


2013ko uztailaren 12an - 00:00
Azken eguneraketa: 2015-02-26 13:37:33
Gomazko pilotak debekatzeko eskatu du Quintanak (Argazkia: Parlament.cat)

Kataluniako Parlamentuan agerraldia egin du Quintanak, segurtasun eredua aztertzen duen batzordean, Ojo con tu ojo plataformako ordezkari moduan.

Azaroaren 14ko greba egunean galdu zuen begia, Bartzelonan. "Inork oraindik zalantzarik balu, begia lehertu zitzaidanean ez zegoen batere istilurik, ez desordena publikorik, ezta kontrolatu beharreko jende multzorik ere. Etxera itzuli nahi nuen, besterik ez", azaldu du 42 urteko emakumeak.

"Non daude erantzukizunak?", galdetu du, Barne Departamenduari zuzenduta. "Non daude gertatutakoari buruzko txostenak? Ikusi egin nahi ditut. Generalitateak gabezia handiarekin kudeatu du gertatutakoa. Departamenduak ez zuen nire osasun egoerari eta jazotakoari buruzko interesik agertu, ezta egun batzuk geroago ere, prentsaurrekoan horren berri eman genuenean. Euren irudia garbitzeak besterik ez ditu kezkatu". Felip Puig ministro ohiak deitu ez izana kritikatu du Quintanak: "Soilik prentsa bulegoko pertsona batek deitu zidan, eta bere telefono zenbakia utzi".

"Edozein herrialde demokratikotan, dimisioak emango lirateke", jarraitu du Quintanak.

Bestalde, Stop bales de goma plataformaren izenean Nicola Tannok hitz egin du Parlamentuan. Hark ere begia galdu zuen pilotakada batengatik. "Hau ere biolentzia da. Ala ez?", galdetu du: "Pertsona batzuek bizi osorako kalteak dituzte. Lehendabizi debekatu ditzagun gomazko pilotak, eta ondoren erabakiko dugu haien lekuan zer erabili. Gertaeren hierarkia bat dago".

Lluís Guiñó CiUko diputatuak Quintanari barkamena eskatu dio bere taldearen izenean, eta gomazko piloten biktimek ordaina jasotzeko moduak bilatuko dituztela adierazi du, nahiz eta ez duen esan zehazki zertaz ari den.

Esther Quintanaren agerraldia:


Kanal honetatik interesatuko zaizu: Gomazko pilotak
Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]


2024-02-14 | ARGIA
Ertzaintzak begia larri zauritu dion gaztearen aita
"Ez da bidezkoa, hamasei urte ditu; bada garaia gauzak aldatzeko eta asko gainera"

Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]


Hainbat protesta deitu dituzte Tolosako polizia-kargak salatzeko

16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Eguneraketa berriak daude