Erreferendumarekin "xantaia" egitea leporatu dio Generalitateari CUPeko sektore batek
Endavantek, CUP hautagaitzaren barruko erakunde batek, gaitzetsi du alderdi independentistak Generalitatearen aurrekontuak onartzea erraztu duen erabakia. Erreferenduma “xantaiarako” tresna gisa erabiltzea leporatu dio Gobernuari.
CUPeko batzorde politikoak Generalitateko aurrekontuak babestu zituen joan den larunbatean, urtarrilaren 28an, aldeko 39 boto, aurkako 22 eta 2 abstentziorekin. Hiru egun geroago Endavanteko kideek komunikatu bat plazaratu zuten CUPen erabakia arbuiatzeko.
Onartutako aurrekontuak “antisozialak, liberalak eta kontinuistak” direla salatu dute, eta baita alternatiba politikoen eraikuntzarako “oztopo” direla ere.
Gobernuari leporatu diote erreferenduma xantairako tresna gisa erabili izana, “austeritatea, politika antisozialak eta emakumeenganako esplotazioa” gauzatu ahal izateko, besteak beste. Politika hauek erreferenduma kaltetzen dutela argudiatu dute, eta horren ordez, irabazi ahal izateko fokua bizi baldintza duinagoen eskaintzan ipini dute.
Independentzia “dena aldatzeko” baliatuko dutela ziurtatu du Endavantek eta “beste batzuek gauzak dauden bezala uzteko” erabili nahi izana kritikatu dute.
Autodeterminazio programa herritarra alternatiba gisa
Komunikatu berean, alderdi independente bat izatearen abantailak azpimarratu dituzte, autokritikarako bidea zabalik dutela azalduz.
Une honetatik aurrera autodeterminazio programa herritar baten alde lan egiteko deia luzatu dute, Herrialde Katalanen osotasunari zuzendutakoa, nazio, giza eta genero askapena ziurtatuko dituena.
Ia bost urte igaro dira Anna Gabriel Sabaté Suitzara erbesteratu zenetik, Jordi-ak eta Kataluniako Gobernuaren zati bat espetxean zirela. Ordutik asko aldatu da egoera: indargabetutako Carles Puigdemonten inbestidura saioa, Quim Torraren izendapena eta inhabilitazioa,... [+]
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko... [+]
2019an Kataluniak bizi zuen salbuespen egoerak bultzatuta, CUP lehenbizikoz aurkeztu zen Espainiako Estatuko hauteskundeetara bi eserleku lortuta. Mireia Vehí (Vilafant, Herrialde Katalanak, 1985) diputatu eta zerrendaburuak ARGIA jaso du Madrilgo Kongresuan, alderdi... [+]
Prentsaurrekoak eta edozein motatako parte-hartzeak katalanez eskainiko dituzte Herrialde Katalanetan. Erabaki hori hartu du CUPek Espainiako Auzitegi Gorenak ebatzi duelako ikastetxeetan ikasgaien laurdena gaztelaniaz eman behar dela.
Lau urte bete dira gaur Urriaren 1eko Kataluniako autodeterminazio erreferendumetik. Urteak pasa dira, eta errepresioa tarteko, galdeketa hori sustatu zuten alderdi independentisten jarrerak ere aldatu dira. Ostegunean, aldaketa hori islatuta geratu da Kataluniako Parlamentuan.