ARGIA.eus

2022ko urtarrilaren 25a

CUPek katalanez baino ez du egingo hedabideen aurrean

  • Prentsaurrekoak eta edozein motatako parte-hartzeak katalanez eskainiko dituzte Herrialde Katalanetan. Erabaki hori hartu du CUPek Espainiako Auzitegi Gorenak ebatzi duelako ikastetxeetan ikasgaien laurdena gaztelaniaz eman behar dela.

ARGIA @argia
2021eko abenduaren 01a
Eulàlia Reguant eta Dolors Sabater, CUPeko kideak erabakiaren berri ematen. Argazkia: Vilaweb.

Dolors Sabater eta Eulàlia Reguant talde parlamentarioko kideek eman dute erabakiaren berri. Vilaweb hedabideak jaso ditu haien esanak. Hedabideen aurrean katalanez baino ez dute egingo, hizkuntzaren normalizazioan pausoak emateko asmoz eta ikusita epaitegi espainiarrek katalana bazterrean utzi nahi dutela eta de facto murgiltze eredua indargabetu nahi dutela.

Talde parlamentarioko presidente den Sabaterrek adierazi du Auzitegi Gorenaren ebazpena katalanari egindako eraso berri bat dela. Haren ustez, “Espainiak berriz zentralizatzeko duen estrategiaren adibide bat da, gobernatzen duenak gobernatzen duela”. Helburua bat: katalana erabilera eremu guztietan murriztea.

Kataluniako Gobernuari eskaera

CUPek gobernuari esan dio Auzitegi Gorenaren sententzia ez gutxiesteko eta erantzun tinkoa emateko. Erantzukizuna ikastetxeen esku soilik ez uzteko eskatu du.

Kanal hauetan artxibatua: Katalana  |  CUP

Katalana kanaletik interesatuko zaizu...
Haserre dago Kataluniako hezkuntza komunitatea: "Murgiltze eredua ez da ukitzen"

Murgiltze ereduak gizartearen adostasun zabala du Katalunian, kohesioa eta aukera berdintasuna bultzatzen dituen eredu arrakastatsua da, eta gatazka ez dagoen lekuan gatazka sortzeagatik haserre dago hezkuntza komunitatea. Milaka lagun manifestatu dira asteburuan, Espainiako... [+]


2021-11-05 | ARGIA
Katalanaren erabilera %21,4koa da institutuetako ikasleen artean eta %46,8koa irakasleen artean

Kataluniako institutuetan katalanaren erabilera %21,4koa da ikasleen arteko interakzioetan, eta irakasleen %46,8 zuzentzen zaizkie katalanez ikasleei. Beherakada nabarmena erakutsi du Generalitatearen Kultura sailak egin duen inkestak, 2006ko datuekin alderatuta. Ikastetxeetan... [+]


Xavier Vila, Kataluniako Generalitateko Hizkuntza Politikako idazkaria
"‘Elebitasuna’ etiketari atseden hartzen utzi behar diogu, kalte egiten baitigu"

Francesc Xavier Vila (Esplugues de Llobregat, 1966) Hizkuntza Politikako idazkari berria da, zeina Kultura Sailaren menpe dagoen. Vilak Esther Franquesaren tokia hartuko du eta zuzendaritza orokorra zena idazkaritza izango da orain. Aldaketaren helburua da "hizkuntzari eman... [+]


2021-09-03 | Axier Lopez
Katalanez irakatsiko duen lehenbiziko lizeoa zabalduko dute Ipar Katalunian

Ipar Kataluniako katalanezko eskolen elkarteak, Bressolak, Perpinyàn bigarren hezkuntzako aurreneko ikastetxea irekitzeko urratsa eman du. Kataluniako hizkuntza eta kulturaren alde lanean 45 urte bete ditu aurten elkarteak.

 


2021-07-29 | Sustatu
Hizkuntza kuotak eskatu nahi ditu Kataluniako Gobernuak Espainiako telebista plataformetarako

Laura Vilagra Kataluniako Gobernuko presidentetzako kontseilariak adierazi du Katalunian, bertako Gobernuak eta Espainiakoak datorren astean hasi behar dituzten negoziazioetan (abuztuaren 2rako dago jarrita hitzordua), ikus-entzunezkoen ekoizpen eta emisio kuotetan katalana (eta... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude