Alde bakarreko bidearen aurka agertu da Kataluniako Parlamentua, U1-eko erreferendumaren urteurrenean

  • Lau urte bete dira gaur Urriaren 1eko Kataluniako autodeterminazio erreferendumetik. Urteak pasa dira, eta errepresioa tarteko, galdeketa hori sustatu zuten alderdi independentisten jarrerak ere aldatu dira. Ostegunean, aldaketa hori islatuta geratu da Kataluniako Parlamentuan.


2021eko urriaren 01an - 08:51
Azken eguneraketa: 10:57
2017ko urriaren bateko erreferenduma. Argazkia: Getty Images

Ostegunean CUPek jarri du eztabaidagai Kataluniako Parlamentuan 2017ko erreferenduma posible egin zuen jarrera politikoa. Ondorengo testua bozkatu dute talde politikoek: "Kataluniako Parlamentuak konpromisoa hartuko du legegintzaldi hau amaitu baino lehen autodeterminazio erreferenduma egiteko, eta, beraz, Generalitateko Gobernuari eskatuko dio berehala has ditzala erreferenduma bermatzeko beharrezkoak diren eztabaidak eta lanak".

Emaitza oso argigarria: CUP bakarrik geratu da alde bakarreko bide horretan. Gobernuko buru den ERCk abstentziora jo du, eta gainerako talde guztiak, Junts, Catalunya En Comú, PSC, Ciutadans, PP eta VOX kontra.

Aldiz, ERC eta Junts hanka bat elkarrizketan eta bestea konfrontazioan jartzearen alde agertu dira. Beste ebazpen batean, Espainiako Gobernuarekin hitz egiten jarraitzeko jarrera berretsi dute. Proposamen horretan PSCren eta Catalunya En Comú-ren babesa jaso dute.

"Aldebakarreko erreferenduma egingo bagenu, zer egingo genuke desberdin?", adierazi du Juntseko bozeramaile Monica Salesek. "Gure ustez, Urriaren 1eko erreferenduma beste erreferendum adostu batekin ordezkatzeak bakarrik du zentzua, Espainiako Estatuarentzat loteslea dena eta nazioartearentzat erabat onartu beharko duena", azpimarratu du.

ERC, negoziaketa eta espiritua

Urriaren 1eko erreferenduma oroitzeko ekitaldiak egiten dira Katalunian gaurko egunez. Generalitateak Bartzelonan egindako ekitaldi instituzionalean Pere Aragones presidenteak alderdi independentisten batasunaren aldeko deia egin du, eta defendatu du independentzia erreferendum berri bat egitea dela Kataluniaren eta Espainiako Estatuaren arteko gatazka politikoaren irtenbide bakarra: "Erreferenduma irtenbide saihetsezina da, orain, urriaren 1eko espiritua berreskuratu behar dugu".


Kanal honetatik interesatuko zaizu: Katalunia independentziarantz
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


“Ez dugu auzi justurik edukiko; gidoi hau lehendik idatzita zegoen”

Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]


Auziagatik, erbestean
AURRERAPENA | “Amnistia Legea finkatzen joan ahala, are gehiago indartu dute terrorismoaren akusazioa”

Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.

Aurrerapena da ondorengo... [+]


2024-05-30 | ARGIA
Amnistia Legea aurrera atera da Espainiako Kongresuan

Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.


Eguneraketa berriak daude