11 lagun atxilotu ditu Espainiako Poliziak Katalunian, tartean CUPeko bi alkate
Espainiako Poliziak operazioa egin du asteazken goizean Katalunian eta 11 lagun atxilotu ditu, tartean Celráko alkate Dani Cornellà eta Vergesekoa, Ignasi Sabater, biak ere CUPekoak. Abiadura Handiko Trenaren Gironako errailen okupazioarekin lotuta dago operazioa: 2017ko urriaren 1eko erreferendumaren lehen urteurrenarekin egin zuten ekintza hori.
Operazioa salatzeko eta atxilotuei elkartasuna adierazteko ehun lagun inguru elkartu dira Espainiako Poliziaren komisariaren aurrean. Sabaterren abokatuaren hitzak jaso ditu Catalunya Ràdiok: “desordena publikoak” leporatuta atxilotu dute Vergeseko alkatea, baina ez diote jakinarazi zein diren leporatzen dizkioten ekintza konkretuak.
Atxiloketen aurkako protesta gisa, JxCat, ERC, CUP eta Comunseko diputatuek utzi egin dituzte Kataluniako parlamentuko batzordeak, “bizitzen ari garen anormaltasun demokratiko eta politikoa” nabarmenduz.
Quim Torra Kataluniako presidenteak ere elkartasuna adierazi die atxilotuei, baita Roger Torrent Kataluniako parlamentuko presidenteak ere: errepresioaren amaiera eskatu du azken honek, eta atxilotuak berehala aske uzteko.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Sindikatuek eta hizkuntzaren aldeko erakundeek "atzerakoia eta diskriminatzailea" dela esan dute eta mobilizazioak iragarri dituzte. Sakon landu dute gaia La Directan.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".