Asteazkenean 17:30ean aktibatu du Twitterrek Diario Fatxoren, goizean bertan behera utzi ostean. Ondorengo mezuaren gaztelaniazko bertsioarekin itzuli dira: "Hiru gauza daude luzaroan ezin ezkuta daitezkeenak: eguzkia, ilargia eta egia. #DFwins". Twitterrek bidali dien emailean "akatsa" izan dela adierazi diete.
Goizean hasi da dena, Facebooken jarri duten mezu batean iragarri dutenez. Inolako oharrik gabe izan dela eta Twitterreko arduradunei idatzi dietela aipatu dute. "Kontua ixtea oso larria da, baina zoritxarrez, horrelako gauzak aurreikusi genituen honetan hasi ginenean, eta garbi esango dugu: ongi ari garen seinale gisa hartzen dugu", adierazi dute.
Egun osoan zehar #GoraDF traola oso aktibo ibili da Euskal Herrian. Hainbat hilabete daramatzate sare sozialetan Diario Vascoren ildo editorialaren eta kazetaritza ereduaren kritika egiten. Twitterren 5.900 jarraitzailetik gora dituzte.
"Gipuzkoako egunkari salduena den Diario Vascoren gezur eta manipulazioak salatzen" jarraituko dutela iragarri dute. Kalean ere ekimenak egin dituzte uda honetan, eta Gipuzkoako herri ugaritan mezuak jarri dituzte, jaiak baliatuz.
Ekimen honen antzeko besteak ere badira, Diario de Pattarra eta El Chorreo Español kasu.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.