Fermin Muguruzaren bisita batengatik “terrorismoa goratzea” leporatu diote Valentziako institutu bati
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako epaitegian.
Valentziako Bellreguard herriko (Herrialde Katalanak) institutu bateko zuzendaritza taldeari "terrorismoa goratzea" egotzi diote. Talde kontserbadore batek jarri du salaketa, Fermin Muguruza musikari eta zinemagilearen bisita batengatik. Vilaweb-en eman dute albistearen berri, eta Juanjo Ginerrek, Bellreguardeko Udaleko zinegotzi ohiak, azaldu du iazko martxoan Muguruzak Black is Beltza filma proiektatu zuela herrian, baina ez zuela ekitaldirik egin ikastetxean.
Doktrinamenduaren Kontrako Hezitzaileen Elkarteak jarri du salaketa. Talde kontserbadore eta ultrakatoliko bat da, eta harreman zuzena dauka Vox alderdiarekin. Sexuagatik bereizten dituzten eskola pribatuen alde dago, edo eskoletan genero ikuspegia txertatzearen kontra. Muguruzak ikasleei hitzaldi bat eman ziela salatu dute. Ondorioz, Joan Fuster institutuko zuzendaritza taldeko kideek martxoaren 26an deklaratu beharko dute guardiako epaitegian.
Ginerrek kontatu duenez ez zen halakorik gertatu. Aurreko legegintzaldian udalak areto bat eskaini zuen Black is Beltza proiektatzeko, eta artista batek Muguruzaren irudiarekin espazio publikoan horma irudi bat egitea proposatu zuen. Joan Fuster institutuan egin zuten horma irudia, eta ezustean eraman zuten Muguruza bertara: "Ez zuen hitzaldirik eman; besterik gabe, hunkitu, eta esker onak eman zituen".
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.