3.000 euroko isunak, San Mamesen erakutsitako Donetskeko bandera baten harira

  • Iazko urrian, pertsona bat kanporatu zuten Bilboko futbol zelaitik, Donetskeko bandera eramateagatik; elkartasunez, San Mamesetik alde egin zuten hainbat lagunek. Orain, hainbati jakinarazi diete 3.000 euroko isunak ezarri dizkietela, baita urtebetez kirol guneetara sartzeko debekua ere.

Artikulu hau CC BY-SA 2.0 lizentziari esker ekarri dugu.

2023ko urtarrilaren 27an - 11:07
Pankarta bat San Mamesen, 2022ko martxoan.

Euskal Herria-Donbass Elkartasun Komiteak azaldu duenez, "Athletic-Atletico Madril neurketako errepresio-gertakizunari" lotutako zigorrak egiazkoak dira jada. Iazko urriko partida horretan, Donetskeko Herri Errepublikaren bandera atera zuten Bilboko (Bizkaia) San Mamesen, eta, hori zela-eta, zale bat kanporatu zuten futbol zelaitik. Bandera kendu eta lapurtu egin zuten, gainera. Orduan, hainbat zalek egin zuten alde San Mamesetik, kanporatutako pertsonarekin elkartasunez. Horri guztiari lotuta, hainbat zigor ezarri dizkiete orain.

Espainiako Gobernuak zenbait laguni bidalitako jakinarazpenen arabera, 3.000 euroko isunak jarri dizkiete egun horretako gertakarien harira. Horretaz gain, debekatuta izango dute kirol guneetara sartzea, gutxienez urtebetez.

Igorri dieten jakinarazpenean, Herritarren Segurtasunerako Komisaria Nagusiak dio "Errusiaren aldeko anagramak" zituen bandera bat atera zela San Mamesen egun horretan, aurretik ziurtatu gabe "araudia betetzen" zela eta, beraz, bandera hori zelaira sartzeko "baimenik" gabe. Hala, "sinbologia" horrek "biolentzia sustatzen" duela iritzita, Segurtasun Koordinatzaileak agindu omen zion Segurtasun Zuzendariari bandera kentzeko prozedura martxan jartzeko.

"Bandera hori 2014tik egon da San Mamesen. Aldiz, errepresio-indarrek 2022ko urrira arte itxaron dute ikur hori daramaten pertsonen aurkako erasoak burutzeko. Hain zuzen ere, orain ukrainar bandera euskal estadioetako telebista emankizunetan inposatu dutenean", salatu du Euskal Herria-Donbass Elkartasun Komiteak.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude