"Euskal preso politikoak etxeratzeko kartelak balkoi, jai eta plazetan jartzen jarraituko dugu"
Joseba eta Eñaut Alvarez aita-semeak zigortu dituzte San Sebastian egunaren bezperan Plaza Berrian Udaltzaingoarekin izandako talkarengatik. Bakoitzari 750 euroko zigorra ezarri diete, eta ostegunean epaitegian deklaratu dute.
Kontzentrazioa egin dute epaitegiaren kanpoaldean, eta salatu dute adierazpen askatasunaren eta eskubide sozil, zibil eta politikoen aurkako gertaera bat dela: “Oztopo guztien gainetik, euskal preso politikoak etxeratzeko kartelak Euskal Herriko eta Donostiako balkoi, jai eta plazetan jartzen jarraituko dugu” .
Azaldu dute San Sebastian bezperan euskal presoak etxeratzeko bandera jartzen saiatu zirela Plaza Berrian, eta Udaltzaingoa haien aurka oldartu zela: “Borra eta ezkutuak baliatuz, mehatxu eta oihu artean, bandera jartzen ari ginen herritarron aurka egin zuen”.
Handik bi hilabetera, Joseba eta Eñaut Alvarez aita-semeek zitazio bana jaso zuten, ostegunean deklaratzeko. Era berean isun administratibo bana ere jarri diete (750 eurokoa), Mozal Legea ezarrita.
Larritzat jo dute Polizia era honetan ekitea kalean aldarrikapen ezberdinak egiten ari diren herritarren aurka, eta are larriagotzat jo dute “gertaerak judizializatu eta herritarern aurkako ondorio penalak bilatzea”.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]