Sutan dagoen Ertzaintzaren furgonetaren argazkia "iraingarria" dela dio Jaurlaritzak
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi du.
Marrazkian Ertzaintzaren furgoneta bat ikusten da, sutan, eguzkiak pozik begiratzen dion bitartean.
Donostiako PPko bozeramaile Borja Corominasek egindako salaketaren ondoren kendu dute Groseko Zipotz jaietako marrazki erakusketan jarrita zegoen irudia. Erne Ertzaintza sindikatuak “autoreak zigortzeko ekintza beharrezkoak gauzatzea” eskatu du, eta Erkoreka sailburuak egiletza aztertzen ari direla adierazi du.
Sare sozialetako erreakzioak
Sare sozialetan muralak hainbat erreakzio piztu ditu, bai erabakiaren aldekoak bai kontrakoak. Erabiltzaile batzuk adierazpen askatasunaren aurka dagoen jazarpena dela adierazi dute.
Beste batzuk, ordea, gorrotoari bultzatzen dion marrazki gisa ikusi dute. Esaterako, salaketa ipini zuen PPko kideak.
https://twitter.com/KontxiNeira/status/1680250997489188864?s=20
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.