Unibertsitatea, Kode Etikoa eta adierazpen askatasuna
Steilas sindikatuak lekuz kanpokoa irizten dio EHUko Errektoretzaren ahaleginari pertsona baten parte hartzea galarazteko gure unibertsitatean berriki ospatu den Subirotasuna(k) aztergai kongresuan komunikazio bat aurkeztuz. Ez dugu ulertzen bere eskubide pertsonal eta zibil guztien jabe den pertsona baten jarduera akademikoa oztopatzeko ahalegina, ez bada zenbait hedabidek gertaera horren inguruan zabaldutako gezurrengatik eta egindako presioagatik. Harridura ere sortzen digu, orain arte alderantziz jokatu izan baitu EHUko Errektoretzak antzeko gertaeren aurrean, defendatuz unibertsitatearen izaera ideia ezberdinen eztabaida eta topagune gisa. Aitzitik, oraingoan, presio mediatikoaren aurrean makurtu du Errektoretzak bere burua.
Ez dugu ulertzen bere eskubide pertsonal eta zibil guztien jabe den pertsona baten jarduera akademikoa oztopatzeko EHUko Errektoretzaren ahalegina
Horretarako unibertsitateak berak berriki onartutako Kode Etikoa erabili du aitzaki moduan. Steilasen uste dugu halako Kode Etikoa ezin dela unibertsitatearen izaeraren muinean dagoen izpiritu kritiko eta sortzailearen bultzatzaile izatearen printzipioaren kontra joan. Mesede eskasa egingo dio horrela unibertsitateak gure gizarteari, beharrezkoa duen eztabaida irekia bultzatu ordez, zentsura eta kantzelazio irizpideak bereganatzen baditu. EHUren Kode Etikoa sei printzipio nagusiren gainean eraikitzen da: berdintasuna, askatasuna, egia, errespetua, zerbitzu publikoa eta gizartearekiko konpromisoa eta jasangarritasuna. Eta, besteak beste, honako konpromiso hauek ere hartzen ditu bere gain: “Bakea, justizia eta elkarbizitza demokratikoa eta goi mailako irakaskuntza eskatzen duten gizarteko beste taldeen etengabeko prestakuntza edo bizitza osoko prestakuntza sustatzea, eta euskal jendartearen garapen jasangarri eta bidezkoa bultzatzea, terrorismo eta indarkeria mota oro gaitzetsita”. Horietako bakar batek ere ezin da erabili bergizarteratzeko beharrezko pauso guztiak emanak dituen pertsona bat baztertzeko. Aitzitik, hala egiteak pertsona horren eskubide eta integritatearen kontra egitea ere suposatzen du. Eta okerrena dena, ez bakarrik pertsona horren kontra baizik eta kongresuaren eta bertan parte hartu duten pertsona guztien kontra ere, babesgabe utziz iritzi publikoaren aurrean.
Horregatik eskatzen diogu EHUri ez dezala gehiago Kode Etikoa zentzu hertsian interpretatu eta erabili dezala Errektoreak sarbidean dioen moduan, ez arau juridiko baten moduan, baizik eta jokabide eta balioen transmisioaren bidez, egungo arauak interpretatzen lagundu eta etorkizuneko arauak lantzeko bidea erakutsiko digun jokatu beharreko eredu bezala.
Steilas sindikatua
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskararen normalizazioaren motorrak herri dinamikara bueltatu behar du aurrera egin nahi badugu
Antropologo eta ingeniaria den Yayo Herrerok dioen bezala, datu bat da. Horren jatorria ulertzeko erraza den baieztapen xume batean laburbil daiteke: Lurra agortzen ari da.
Gaia konplexua da. Ikuspegi asko daude, interesak gurutzatzen dira, informazioa desinformazioarekin... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Gizakia kosmosa da. Kosmosa, mundua ez da gizakiarena, askotan hala dela ematen badu ere.
Udako solstizioan, egunez eguzkiak itsutu egiten gaitu duen argiaren indarrarekin, baina gauak ederrak dira, zeruan izar dirdiratsuak kabitu ezinka ikusten ditugunean. San Juan suaren... [+]
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]
Askotan hitz egin izaten da (dugu) banketxeen inguruan, kritika askoren jo-puntuan jarriz behin baino gehiagotan. Inor gutxi ezagutzen dut banketxeei buruz zerbait txarra esan ez duenik… baina, era berean, inor gutxi ezagutzen dut banketxeen zerbitzurik erabiltzen ez... [+]