CGT sindikatuak Bordeleko Instantzia Auzitegira eramango du LAB bigarrenez. Oso enpresa txikietako hauteskunde sindikaletara aurkezteko ezaugarriak betetzen ez dituztela argudiatu zuten abuztuan. Oraingo epaiketa hau urriaren 14an abiatuko da.
CGTk Bordeleko epaitegian jarririko errekurtsoa onartuta, epaileak LABen hautagaitza baliogabetu zuen. Sindikatu abertzaleak aurkezturiko helegitearen ondorioz iritsi ziren Kasazio Auzitegira eta irailaren 30ean hark Bordeleko epaia bertan behera utzi zuen.
LABeko bozeramaile Eñaut Aramendik azaldu duenez, sindikatuak ez daki zeintzuk diren oraindik auziperatzearen arrazoiak. “Abokatu nagusiak Kasazio Gortean erran zuen bezala, ordezkatzeko ahalen argumentuak ezeztatu dituzte, balore errepublikanoei buruzkoak ere nire ustez ezeztatuak dira, euskarari buruzkoak ere”, dio Aramendik.
Sindikatu abertzaleak azaldu du ez dakitela zeren kontra joko duten eta CGTren jarrera ere salatu dute: "Ekintza antidemokratikoek ez dute batere askatasun sindikalaren alde jotzen baizik eta alderantziz, ideia horren erakustea sinestarazi nahi badigute ere".
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka langile elkartu dira Iruñean, Bilbon, Gasteizen, Donostian, Baionan eta Maulen egindako manifestazio eta ekitaldietan. Langile eskubidea defendatu eta lortzeko, greba erreminta ezinbesteko gisa aldarrikatu dute sindikatu guztiek. LAB lehen aldiz... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.