Bortxaketa justifikatu daitekeela uste dute Europar Batasuneko hamar biztanletik bik
Europar Batasuneko hamar pertsonatik ia bik (%17) uste dute emakumeak izan ohi direla indarkeria kasuen errudunak, bik (%22) dio emakumeek asmatu edo puztu egiten dituztela indarkeria kasuak eta batek (%11) uste du bortxaketa ez litzatekeela ilegala izan beharko. Europarrek indarkeria matxistaren inguruan duten pertzepzioa aztertzeko Europako Batzordeak egindako ikerketaren datuak dira.
Galdeketan parte hartutakoen %27k dio bortxaketak justifikatuak izan daitezkeela, honako egoeretan: bortxatzailea alkoholaren edo drogen eraginen pean dagoenean (%12), biktima erasotzailearekin etxera borondatez joan denean (%11) eta “modu probokatzailean” jantzita doanean edota ez duenean argi utzi ez duela nahi (%10). Bortxaketak gehien justifikatzen dituzten herrialdeak Errumania (%55) eta Hungaria (%47) dira eta gutxien, ordea, Suedia (%6) eta Espainia (%8).
Horrez gain, bost pertsonetatik ia bik (%17) esan dute maiz emakumeek izaten dutela indarkeria kasuen errua eta %22k dio emakumeek asmatu edo puztu egiten dituztela indarkeria kasuak. Datu honetan Malta dago lehen tokian (%47) eta Suedia azkenekoan (%8).
Inkestatuen ia erdiak (%44) dio berba bidezko erasoak ez direla salatzeko modukoak, eta hamarretik ia bik (%18) dio baimenik gabeko ukipenak, bikotearenganako kontrola edo Internet bidezko erasoak ez liratekeela legez kanpokoak izan beharko. Hamarretik batek (%11) uste du bortxaketa ez litzatekeela ilegala izan beharko.
Taula - Bortxaketa justifikatu daiteke egoera zehatz batzuetan:
Mapa - Biktimek eragin ohi dituzte erasoak:
Mapa - Emakumeek erasoak puztu egiten dituzte:
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]