Programazinoaren barruan, kaleko antzerkia, zirkua, clowna, jantzea eta akrobaziak dagoz, Bilboko Udalak aurreratu dauenez. Dagoeneko 17. edizinoa beteko dau Kalealdiak eta kaleko arte eszenikoetan erreferente dala azpimarratu dau Nekane Alonso Kultura zinegotziak. Kalidadezko egitaraua bilatu dabe eta, horretarako, euskal konpainien produkzino barrienak eta kanpoko talde entzutetsuak batuko dira Bilbon.
Lehenik eta behin, bagilaren 27an Lurrak ikuskizuna estreinauko dabe Arriaga plazan, 22:30ean. Gasteizko eta Bilboko udalek alkarlanean produzidutako emonaldia da Lurrak, euskal zirku garaikidearen barruko piezea sortzeko asmoz. Gasteizko Kaldearte jaialdian izan zan lehenengo estreinaldia eta, Bilbokoa, bigarren estreinalditzat jo dabe. Arte eszenikoaren alde dogun jarrerearen erakusgarri da ikuskizun hau, adierazo dau Pedro Ormazabal Kalealdiko zuzendari artistikoak.
Era berean, euskal konpainia ugarik euren lan barrienak erakutsiko ditue Bilbon. Kukai eta Tanttakaren arteko alkarlanetik sortu da, esaterako, Hazipenen pozak, antzerkia eta jantzea batzen dituan emonaldia. Bagilaren 28an emongo dabe, Arriaga plazan, 22:30ean. Malas Compañias, Markeliñe, Marie de Jongh, Pez Limbo, Garazi Pascual eta Ivan Gonzalez izango dira beste euskal ordezkariak Kalealdian.
Kanpoko artistei jagokenez, Frantziatik datozanak nabarmendu ditu Pedro Ormazabalek. Kadabresky konpainiak L´effet escargot ekarriko dau Bilbora, garagarrilaren 1ean eta 2an, Areatzako moilan. Cirque Rouages-ek, ostera, Sodade antzeztuko dau, hil horren 2an, Arriaga plazan. Frantziako beste konpainia batzuk eta Belgika, Espainia zein Suitzatik etorritakoak be ez dira faltauko Bilbon.
Casilda Iturrizar parkean zirkuko karpea ipiniko dabe eta horko emonaldiak ikusteko hiru euroko sarrerea pagau beharko da. Ganerako lekuetan (Arriagan, Plaza Barrian, Areatzan...) dobakoak izango dira ikuskizunak. Umeentzako zirku tailerrak antolatuko ditue, ganera. Aukera parebakoa izango da, umeek zirkuaren ingurukoak ezagutu daiezen, azaldu dau Nekane Alonso zinegotziak.
Kalealdiak kaleko arte eszenikoen inguruan hileotan martxan egon dan zikloa zarratuko dau Bilbon. Txurdinaga eta Otxarkoagako magia topaketak izan ziran lehenengo, gero Zorrotzako clown jaialdia eta Errekaldeko Zirkualde. Eskaintzea biribiltzeko, bertoko eta kanpoko 28 konpainiaren topaleku izango da Kalealdia, uriaren erdigunean.
Nekane Alonso zinegotziak azaldu dauenez, publikoaren gustuko obrak ekarten ahalengintzen dira baina, era berean, euskal konpainien lana bultzatu eta zabaltzeko tresnea be bada Kalealdia. Ganeratu dauenez, urte askotako apustua egin dogu eta ezinbesteko hitzordu bihurtu da Kalealdia.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Azken aukera asteburu honetan 'Inexa de Gaxen' pastorala ikusteko.
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
OSCARRA OSCARRENTZAT
AKTOREAK: Mikel Laskurain, Jon Plazaola, Oihana Maritorena eta Ane Gabarain.
PRODUKZIOA: LaMandanga Producciones, Txalo Produkzioak
NOIZ / NON: martxoaren 2an, Donostiako Antzoki Zaharrean.
Lehen aldiz ekainean antzeztu zuten Inesa de Gaxen pastorala, Bastidan (Nafarroa Beherea). Izan zuen arrakasta ikusita, xarnegutarrek irailean berriz biziberrituko dute Gaxengo Inesaren historia, irailaren 21 eta 22an, Bardozen (Lapurdi). 1.000 sarrera jarri dituzte salgai... [+]
Antzerkiaren labirintoan I
Ander Lipus
EHAZE eta Susa
---------------------------------------------
Ander Lipus antzerkigileak EHAZE eta Susarekin argitaratu ditu bere autobiografia teatrala eta antzerkiari buruzko argitalpenak. Antzerkiaren labirintoan I. Bitakora... [+]
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]