Arantzazu UEMAko kide izango da

  • Udalerri Euskaldunen Mankomunitateko 86. udalerria izango da.

Bizkaie @Bizkaie
2018ko martxoaren 13a
Arantzazu UEMAn sartuko den 86. udalerria da. Argazkia: Bizkaie

Arantzazuko Udaleko Osoko Bilkureak erabagi dau UEMAn, Udalerri Euskaldunen Mankomunidadean sartzeko eskaria egitea. Gobernuan dagoan EH Bildu koalizinoko lau zinegotziek emon dabe erabagi horren aldeko botoa. EAJ-ko hirurek, ostera, kontrako eretxia agertu dabe.

Arantzazu Arratia eskualdean dago, ingurune euskaldunean. Gaur egun, herriko biztanleen %76 euskaldunak dira (UEMAn sartzeko %70 da gitxienekoa). Baina 1981eko Inkesta Soziolinguistikoaren arabera, orduan %86 ziran euskal hiztunak. Hartara, atzeraldi horri bueltea emoteko asmoz erabagi dau Arantzazuk UEMAn sartzea. Hizkuntza politika aurrerakoiak egiten lagunduko deutsala uste dau Udal Gobernuak.

Nekane Zuazo Arantzazuko Euskera zinegotziaren esanetan, azken urteotan nabaritu dogu beherazko jokerea erabileran. Batez be, tabernetan igarten da erderarako jokerea, herritar gehienak euskaldunak izan arren. Euskereari eusteko eta hizkuntza ohiturak aldatzeko sensibilizazino lana areagotzea jagoku, eta UEMAren esperientzia eta laguntzinoa ezin hobeto etorriko jaku.

Gaur egun, 85 udalerri dira UEMAko kide eta, hortaz, Arantzazu 86.a izango da. Maiatzaren 26an izango da mankomunidadearen Batzar Nagusia, Diman, eta orduan onartuko dabe kide barria. Danen artean, 247.500 biztanle inguruko eremua hartuko dau UEMAk. Arantzazuk 394 biztanle ditu, azken erroldearen arabera.

Albiste hau Bizkaiek argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: UEMA  |  Arantzazu

UEMA kanaletik interesatuko zaizu...
Udalerri euskaldunen eguna Diman izango da, maiatzaren 26an

UEMAk eta Dimako Udalak elkarlanean antolatuko dute aurten Udalerri Euskaldunen Eguna, Arratiako beste zenbait udalekin eta Dimako hainbat elkarte eta eragileren laguntzarekin. Maiatzaren 26an izango da hitzordua.


Eta zuk, bisitari, ba al dakizu hemen euskaraz egiten dela?

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.


Errezilen eta Alegian etxe berriak
Eraikitzen hasi aurretik euskararen hauskortasuna neurtu dute

“Errezilen etxe gehiago egingo direla, eta zer? Euskara ahultzeko beldurra? Baina gu beti izan gara euskaldunak eta hala izaten jarraituko dugu”. Ez dugu errezildarraren ahotik entzun esaldi borobil hori, baina izan zitekeen, halakoxea baita aldartea biztanle berriak etorriko badira ere euskal komunitatea arriskuan ikusten ez denean. ARGIAk Xebero Agirretxe herriko alkatearekin, Nekane Zinkunegi zinegotziarekin eta Arritxu Zelaia hizkuntza aholkulariarekin hitz egin du. Hirigintza... [+]


2017-10-06 | ARGIA
Zergatik egiten dute euskaraz gutxiago bermeotarrek ondarroarrek baino?

Ondarroan euskararen ezagutza %79koa da eta erabilera ere bai. Bermeon ezagutza %72koa da eta erabilera %33koa. UEMAk ikerketa sakona egin du askotariko faktoreak lantzeko.


2017-09-08 | ARGIA
Udalerri euskaldunetako gazteek Orion ezagutuko dute elkar

UEMAk Salto! Gazte Topaketak antolatu ditu. Euskaraz bizi diren gazteak euskararen inguruan kontzientziatzea eta besteengan eragitea lortzea da helburua.


2017-07-06 | ARGIA
Euskara eta turismoa lotzeko ekimenak landu dituzte Oriok, Zumaiak, Azpeitiak eta Nafarroako Gobernuak

UEMAren ustez Nafarroako Turismo Planak euskara kultur ondare garrantzitsutzat hartu izana aitzindaria da.


2017-07-02 | Ainhoa Bretos
O˝atiko ikasleak galdezka:
Zergatik du hizkuntza batek beste batek baino botere handiagoa?

Udalak euskalduntzen ari diren arren, udalerriak erdalduntzen ari direla adierazi du UEMA Udalerri Euskaldunen Mankomunitateak. Horren aurrean, herritarren kontzientziazioa eta sentsibilizazioa lantzeko hezkuntza proiektua jarri du martxan UEMA osatzen duten herrietako ikastetxe guztietan. Oñatiko Txantxiku Ikastolan eta Elkar Hezi Ikastetxean izan da ARGIA.


2017-06-23 | ARGIA
EAEko Auzitegi Nagusiak Gipuzkoako Foru Aldundiaren Euskara Planaren aurkako epaia eman du

Bost artikulu baliogabetu ditu, besteak beste, kontratazio administratiboarena eta diru-laguntza jasotzaileen betekizunena. Foru Aldundiak epaia errekurrituko du.


Azpeitibizi egitasmoa
Nola bultzatu turismoa herri nortasuna eta euskara kaltetu gabe

Azpeitiko Udalak www.azpeitibizi.eus webgunea zabaldu berri du. Herrira turismoa erakartzeko tresna da, luzea izan nahi duen prozesuaren abiapuntua baino ez. Ondoko gogoeta egin du Udalak: lehentasuna ekonomia sustatzea da, eta turismoa horretarako bideetako bat. Turismoa indartzeak ordea, nola eragingo du udalerri euskaldunean? Nola ekarri bisitariak herri nortasuna galdu gabe?


Azkenak
EGILEA
Eguneraketa berriak daude