UEMAk osasungintzako hizkuntza-eskakizunen azterketa zehatza egin du

  • Udalerri Euskaldunen Mankomunitateak, UEMAk, sareko udalerrietako osasun zerbitzu publikoen hizkuntza datuak aztertu ditu txosten batean. Ondorio nagusia, UEMAko udalerrien hamar osasun-langiletik hiruk ez daukate euskara-maila egiaztatuta (EAEko Osakidetza zerbitzuan % 19k eta Nafarroako Osasunbidean % 75ek).

Artikulu hau CC BY-SA 3.0 lizentziari esker ekarri dugu.

2023ko ekainaren 16an - 05:38

Areago, ospitaleetan, langileen bi herenek ez daukate euskara-gaitasuna egiaztatuta; Osakidetzan % 57k eta Osasunbidean % 99k (ia inork ere ez, alegia).

Ondorio nagusi gisa, hauek azpimarratzen ditu UEMAk, bere udalerrietarako:

  • UEMAko 64 herritan daude osasun-etxeak, eta guztira 821 lanpostu daude horietan: Osakidetzaren 669 eta Osasunbidearen 152.
  • Lanpostu gehienek, % 89k, bete beharreko hizkuntza-eskakizuna daukate. Baina aldea dago honetan Osakidetzatik (% 99) Osasunbidera (% 34).
  • Hizkuntza-eskakizun horien egiaztatzeari dagokionez, ia hiru langiletik bat ari da UEMAko herrietan euskara-maila egiaztatu gabe (% 30). Segun EAEn edo Nafarroa Garaian, alde handia dago egiaztatzeari dagokionez:

    Osakidetzan, ez du egiaztatu bostetik batek (% 19); Osasunbidean, lautik hiruk (% 75).

  • Hutsik dauden lanpostuetan, pediatriakoa da nabarmenena: UEMAko udalerrietan 45 postu daude, eta 11 bete gabe daude (% 24).

Txostena, dena dela, ez da bakarrik zentratzen UEMAko herrietako bertako lehen arretako zentroetan, zeren eta herri hauetako herritarrek, beste guztiek bezala, ospitale handiagoetara ere joan behar izaten dute (beste herritar guztiek bezala) segun eta zein den osasun arazoa. Eta ospitaletako egoera grafiko hauek erakusten dute.

Erreferentziazko ospitaleetako lanpostuak, hizkuntza eskakizunaren derrigortasunaren arabera:

Euskara egiaztatzearen arabera, datu globala:

Ospitaletako postuak, arloaren eta euskara egiaztatzearen arabera:

UEMAren webgunean: 


Kanal honetatik interesatuko zaizu: Hizkuntza eskubideak
Sugoi Etxarri Zabaleta, EHE-ko kidea
“Euskararen borroka gaztetzen ari da, oso azkar”

Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


2024-03-18 | Leire Artola Arin
ANALISIA
Nork egingo du euskara ofizial?

Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.


Ikasle euskaldunek Frantziako Legebiltzarrean euskaraz ikasteko eskubidea aldarrikatu dute

Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]


Iruñeko EHEren talde berria aurkezteko jaia egingo dute larunbatean

Taldea ezagutarazteko eta proiektua finantzatzeko antolatu dute egun osorako egitaraua.


Eguneraketa berriak daude