Arabako gazteentzako bertso-bideoklip lehiaketa martxan

  • "Bertsoa Bizi Gazte" lehiaketa jarri du martxan Arabako Bertsozale Elkarteak, 14-18 urte bitarteko gazteentzat. Horretarako, gutxienez hiru eta gehienez zortzi laguneko taldea osatu eta bi minutuko bideoklipa bidali beharko da maiatzaren 5a baino lehen. Gazteen euskarazko sormena lantzeko, aurretik 1.000 ikaslerekin egin dute lanketa DBHko 18 ikastetxetan.

Estitxu Eizagirre @eeizagirre
2017ko martxoaren 10a
Bertsoa Bizi Gazte bideoklip lehiaketaren aurkezpenean.

Arabako gazte taldeen artean euskarazko sormena bultzatzea du helburu Arabako Bertsozale Elkarteak Arabako Foru Aldundiaren laguntzaz antolatu duen bideoklip lehiaketak, bertsoa, musika eta irudiak uztartuz. Lehiaketa lanketa sakonago baterako tresna dela nabari da: aurretik ikastetxeetan egin dute bertso lanketa, ondoren gazteei aukera eman zaie eskolaz kanpoko jarduera berezi batean parte hartzeko, eta lehiaketako emaitzak ezagutarazteko egun berezi bat antolatu dute: lehiaketako sariak, Bertsoa Bizi Gazte Egunean banatuko dira. Maiatzaren 13an izango da, Legution.

Lau sari eskuratu ahal izango dituzte parte-hartzaileek, eta ordaina talde osoarentzako asteburu-pasa izango da. Nibanaxarabakoa webgunean daude eskuragarri lehiaketaren oinarriak eta izena emateko aukera.

Ikastetxeetako lanketa oinarri

Lehen Hezkuntzan Arabako ia ikastetxe denetan lantzen dute bertsolaritza. Bigarren Hezkuntzako ikastetxe denei eman zien Bertsozale Elkarteak "Bertsoa Bizi Gazte" ekimenean parte hartzeko aukera ikasturte honen hasieran, eta harrera ona izan zuela adierazi dute: Arabako eskualde denetako 18 ikastetxeek landu dute bertso sormena, 1.000 ikasle inguruk guztira. Bertso munduan murgiltzeko tailerrak egin dituzte geletan. Amaieran, egindako bertsoak plazan eman dituzte ikasleek, eta eurentzat egokitutako bertso saioak gozatzeko aukera izan dute.

Hezkuntza araututik aisialdira

DBHko gelako tailerrean gustura aritu diren ikasleek aukera izan dute eskolaz kanpoko jardueran parte hartzeko, hamar orduz. Bertan jarraitu dute bertso sormena lantzen, eta "Bertsoa Bizi Gazte" lehiaketarako bideoklipa prestatzen.

Kanal hauetan artxibatua: Bertsolaritza  |  Araba  |  Aisialdia

Bertsolaritza kanaletik interesatuko zaizu...
2017-10-16 | Estitxu Eizagirre
Finalaurrekoetan kantatuko duten 24 bertsolariak

Urriaren 15ean Tolosan jokatu zen azken final laurdena, eta bertan erabaki zen zein diren hurrengo fasean, finalaurrekoetan, kantatzeko sailkatutako 18 bertsolariak. Aurreko Txapelketako sei finalistekin elkartuko dira finalaurrekoan. Dagoeneko badakigu bakoitzak non kantatuko duen.


2017-10-16 | Kepa Matxain
Tokatzen dena egin

Urriaren 14an Tolosako Beotibar pilotalekuan jokatu zen Bertsolari Txapelketa Nagusiko azken final laurdenaren kronika. Sailkapena: Etxahun Lekue (673 puntu), Maddalen Arzallus (670), Jon Maia (662,5), Beñat Lizaso (646,5), Xabat Galletebeitia (636) eta Eneko Lazkoz (607).


2017-10-09 | Kattalin Miner
Gure kontraesanen alde

Urriaren 8an, Zumaiako Aitzuri pilotalekuan jokatu zen bosgarren final laurdena. Hauek parte hartu zuten bertsolariak, sailkapen taularen ordenean: Nerea Ibarzabal (698,5 puntu), Nahikari Gabilondo (661,5), Miren Artetxe (661,5), Arkaitz Oiartzabal “Xamoa” (627,5), Asier Otamendi (617,5) eta Ibon Ajuriagojeaskoa (616).


2017-10-09 | Kattalin Miner
Nork bere gudan

Urriaren 7an Zallan jokatutako final laurdenaren kronika. Puntuaketa taulak hau esan zuen: Miren Amuriza (700,5 puntu), Jone Uria (662), Odei Barroso (650), Onintza Enbeita (640,5), Eneko Abasolo "Abarkas" (615,5) eta Oihane Perea (591,5).


2017-10-06 | Kepa Matxain
Hitza ez den guztiaren garrantzia

Irailaren 30ean Seguran jokatu zen Txapelketa Nagusiko kanporaketaren kronika. Sailkapen taulak hau esan zuen: Jon Martin (673,5 puntu), Nerea Elustondo (665,5), Beñat Iguaran (665,5), Ander Fuentes "Itturri" (629,5), Unai Gaztelumendi (620) eta Felix Zubia (594).


2017-10-06 | Kepa Matxain
Igogailuko esaldien kontra

Leitzan urriaren 1ean jokatu zen Txapelketa Nagusiko kanporaketaren kronika. Sailkapenak hau zioen: Oihana Iguaran (714 puntu), Agin Laburu (686), Iñaki Apalategi (685), Julio Soto (678,5), Unai Agirre (674,5) eta Oihana Bartra (619,5).


2017-09-25 | Kattalin Miner
Eten ezin den hegaldia

Txapelketa Nagusiaren lehen saioa jokatu zen larunbatean Baigorrin. Bertsolari hauek puntuaketa hau eskuratu zuten: Alaia Martin (712 puntu), Aimar Karrika (651,5), Beñat Ugartetxea (631,5), Ander Lizarralde (627), Mikel Artola (620) eta Xabi Maia (598,5). Hona hemen kronika.


2017-09-12 | ARGIA
Bertsolari Txapelketa Nagusia zazpi probintzietatik igaroko da

Aurrez iragarri legez, irailaren 23an hasiko da Euskal Herriko Bertsolari Txapelketa Nagusia, Baigorrin. Finalerako hitzordua, berriz, abenduaren 17an izango da Barakaldoko BECen. “Lehen aldiz aldi berean euskararen zazpi lurraldeetan” egingo da txapelketa, Bilbon egindako aurkezpenean Bertsozale Elkarteak azpimarratu duenez.


2017-09-03 | Itxaro Borda
Biba Errepublika

1789ko uztailaren 14an Parisko Bastille kartzela erori zen iraultzaileen kolpeen ondorioz. Hori da behintzat kontatzen den historia. Luis XVI erregeak egun hartan, bere egunkarian ezer ez zela gertatu idatzi zuen. Euskal Herriko pentsalari eta arduradun politikoak mugimenduaren alde agertu ziren lehen urteetan, baina laster, apez eta jauntxoen eraginez, jendalde gehiena Iraultzaren aurka altxatuko zen.


2017-09-03 | Dabi Piedra
Autonostalgia ariketa

Kargak & Deskargak ikuskizun ibiltariaren azken saioaren kronika. Bilbon, abuztuaren 22an.
Unai Iturriaga, Igor Elortza, Josu Zabala eta Rafa Rueda.


Azkenak
EGILEA
Eguneraketa berriak daude