8/2013 sumarioko auzipetuak ez dira espetxera joango, akordioa lortu eta gero
Gaur goizean bederatzi euskal herritarren aurkako ahozko auzia zen ekitekotan Espainiako Auzitegi Nazionalean, baina azkenean, aldeen arteko akordioa lortuta, espetxea saihestu dute.
Ekineko kide izatea leporatzen zitzaien eta, “dena da ETA” doktrinarekin, talde armatuko kide izatea. Sandra Barrenetxeari urtebete eta bederatzi hilabeteko espetxe zigorra jarri diote, eta Ugaitz Elizarani bi urte eta hiru hilabetekoa. Urko Aierbe, Joxe Aldasoro, Aniaiz Ariznabarreta, Erika Bilbao, Eneko Compains, Egoitz Garmendia eta Rosa Iriarteri bina urte.
Zigorrak bertan behera uztea adostu dute aldeek, salbu eta Elizaranen kasuan, zeina baldintzapeko askatasunean uztea eskatuko den. Epaileek berretsi beharko dute eskaria.
"Segurako auzia"n edo apirilaren 14an Ekinekoak izateaz akusatuta ziren “Aztnugal auziko” bost kideen antzeko akordioak lortu dituzte auzipetuen defentsak, fiskaltzak eta akusazio partikularrek, kasu honetan Dignidad y Justicia eta AVT elkarteak. Horren arabera, akusazioaren oinarria onartzen da, biolentziarekin lotutako ekimenak arbuiatu, eta haien jardunak eragindako biktimen eta minaren aitortza egiten da.
Auzipetuen izenean esandako hitzetan, Eneko Compainsek adierazi du akordio honekin ez dela justiziarik egiten eta, besteak beste, gogorarazi du atxiloaldiaren unean auzipetuek jaso zituzten tratu txar eta torturak.
Isolamenduan izango dute datorren ostegunera arte Adur Ramirez Altsasuko gaztea Entzun Altsasu taldeak sare sozialetan zabaldu duenez: "Jakin dugunez, Adur isolamenduan sartu dute datorren ostegunera arte. Haien krudelkeriak ez du etenik!".
Espainiako Auzitegi Gorena ikertzen ari da ea nori dagokion epaitzea Altsasuko gertakariak, Auzitegi Nazionalari ala Nafarroakoari, eta erabaki hori ezagutu arte auzia eten du Auzitegi Nazionalak. Bitartean kartzelan jarraituko dute Adur Ramirez de Alda, Jokin Unamuno eta Oihan Arnanzek.
Ertzaintzak froga gisa aurkezturiko bideoan azaltzen direnak ez dira Aitor Martinez eta Beñat Ereño, epaileak ondorioztatu duenez. Urtebeteko kartzela zigorra, zazpi urteko inhabilitazioa eta 2.520 euroko isuna eskatzen zuen fiskalak.
Espainiako Auzitegi Nazionalera joan beharko dute Beñat Ereñok eta Aitor Martinezek. Urtebeteko kartzela zigorra, 7 urteko inhabilitazioa eta 2.520 euroko isuna eskatu dizkie fiskaltzak.
Aitor Martinez eta Beñat Ereño gazte laudioarrak epaituko dituzte Espainiako Entzutegi Nazionalean maiatzaren 3an. Terrorismoa goratzen dituzten pintaketak egitea leporatu diete. Eurek adierazi dute muntaia poliziala izan dela dena, eta horren nondik norakoak azaldu dituzte.
Gorka Labat, Oier Araiz eta Fernando Sota absolbitu ditu Espainiako Auzitegi Nazionalak. Iazko udan Tafallako festetan presoen alde egindako ohiko brindisean parte hartzeagatik terrorismoa goratzea leporatzen zieten.
"Azken urtean Tolosako gazte mugimenduak jasandako errepresioa salatu eta horri aurre egiteko" sortutako plataforma da Gazteak Kalean. 2015etik hona zenbait gaztek jasotako espetxe zigor eskaera eta isunak salatzeko dokumentala osatu dute.
Bi kasu dira nagusienak:
- 2015eko inauterietan, hiru gazteri 4’5 eta 5’5 urte arteko espetxe zigor eta 38.000 euroko isun eskaera.
- Tolosako Gazte Asanbladak eginiko eserialdia: 50 gazte ingururi, denera 15.000 euro baino... [+]
Axier Lopez ARGIA-ko kazetariari epaiketaren atarian zuen isuna kentzeak Mozal Legea deuseztatzearen alde lan egiten dugun guztioi erakutsi digu posible dela lege injustuei aurre egitea. Kasu honek erakusten digu nola jokatu behar dugun injustiziaren aurrean: lehenik eta behin gertakaria jaso (kasu honetan argazkien bidez); ondoren publiko egin. Neurri errepresiboa, (isuna oraingoan), iritsi denean, isuna ordaintzeari uko egin eta kaltetuaren inguruan elkartasuna eraiki.
Gorka Labat, Oier Araiz eta Fernando Sota Espainiako Auzitegi Nazionalean epaituko dituzte asteazkenean.
ARGIAko kazetari Axier Lopezi ezarritako isuna bertan behera utzi du Espainiako Gobernuak, Javier de Andres EAEko Espainiako ordezkariaren bitartez. Hedabide honek isunari ezarritako helegitearen ondorioz, martxoaren 13an epaiketa egitekoa zen Gasteizen. Epaiketa egin gabe, ARGIAk ez du isunik ordaindu beharko kazetaritza egiteagatik.
