%75etik gorako jarraipena EAEko hezkuntza publikoaren greban, sindikatuen esanetan

  • Unibertsitatez kanpoko hezkuntza publikoan abenduaren 13rako deitutako greba arrakastatsua izan da sindikatuen esanetan. Orotara, jarraipena %75etik gorakoa izan dela adierazi dute, %95ekoa haur eskolen kasuan.

Unai Brea @unaibrea
2017ko abenduaren 12a
(Argazkia: Steilas).

Hezkuntza publiko eta Haurreskolak Partzuergoko sektore guztietako 30.000 langile inguru egon dira grebara deituta. Zehazki, irakasle, heziketa bereziko langile, garbitzaile eta sukaldariak. Sindikatuen esanetan, aurten aurrez izandako deialdietan bezala erantzun zabala lortu du gaurkoak ere.

Arloka, lanuztearekin bat egin dute langileen %95ek haur eskoletan, %85ek sukaldari eta garbitzaileen artean, %80k heziketa berezian eta %75ek irakaslegoan, Steilas sindikatuak bere webgunean dioenez. EAEko Hezkuntza Sailak, berriz, grebaren jarraipena %60 ingurukoa izan dela dio.

Besteak beste langile kopurua eta baliabideak handitzea, behin-behinekotasun portzentajea gutxitzea, gelako ikasle kopurua jaistea eta lan baldintzetan (soldata, baja, ordezkapen…) izandako murrizketak ezabatzea eskatzeko helburua dute aurreko ikasturtean abiatu eta aurtengo abendura arte aurreikusitako grebek.

Halaber, euskarazko murgiltze eredua garatzea eta LOMCE, Heziberri eta, oro har, “hezkuntzaren merkantilizazioa” alde batera uztea eskatzen dute sindikatuek, irakaskuntza “justizia soziala, integrazioa eta gizarte kohesioa bermatzeko tresna izan dadin”.

Eusko Jaurlaritzako Hezkuntza Sailak orain arte mobilizazioei emandako erantzunik eza kritikatu dute, eta iragarri dute greba gehiago izango dela eskaerak asetzeko Lakuak neurri zehatzik proposatzen ez duen bitartean.

Kanal hauetan artxibatua: Hezkuntza  |  Eusko Jaurlaritza  |  Langile borroka  |  EAE

Hezkuntza kanaletik interesatuko zaizu...
Ikastetxeetako "biolentzia sotila"

Espainiako Estatuko erkidego guztietako Lehen eta Bigarren mailako hainbat irakasleri galdetu diete, eta 10 irakasletik 9k esan dute biolentzia egoerak bizi dituztela euren ikastetxeetan, bai ikasleen artean, bai ikasle eta irakaslearen artean. Borroka, irain eta mehatxuez gain, “intentsitate baxuko biolentzia normalizatua” nabarmendu dute, egunerokoan ikasgelako giroa gaiztotu eta tentsio-egoera sortzen duena.


2018-01-21
Ikasleak aske sentitzen diren eskola

Badira bi Eskola Txiki eguneroko jarduera osoa tailerretan burutzen dutenak, ohiko arloetan oinarritu gabe. Umeek ez dute eserita egon beharrik, nahi dutenean tailer batetik bestera joan daitezke eta horrela erabakitzen dute zer tailerretan aritu, zer egiten, zenbat denboraz. Ez dago testu-libururik, ez ikasmailarik, ez adin bakoitzean eman beharreko edukirik, ez azterketarik. Eta erabateko adin aniztasuna dute: 2-12 urte arteko ikasle guztiak elkarrekin aritzen dira uneoro. Ezaugarri horiekin... [+]


2018-01-19 | Miren Osa Galdona
Haurreskolen doakotasuna eskatu du LABek familiaren itun berria dela eta

Jaiotzetik hasita, haurrek daukaten hezkuntza eskubidea ez dela betetzen dio sindikatuak eta hutsune hori betetzeko bidean ez dela urratsik eman. Ostegunean sinatu dute EAEeko instituzioek familia eta haurren aldeko ituna. Hitzarmenak oinarrizkoak diren hainbat arlo ez dituela jasotzen dio LABek, hala nola haurreskolen doakotasuna.


Kanpo azterketen "negozioa" salatu eta baliorik ez dutela esan du Steilasek

Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.


Zonbi batekin bizi

Berak ezin zuen ezer egin, ez zen bere eskumenekoa. Joseba Tapiaren Real politik entzuten da lerro artean, joan den igandeko Berriak Marisa de Simoni egindako elkarrizketan.


Hamar modu haurrak irakurtzeari gorroto har diezaion

Haur horrek zergatik ez duen irakurtzea maite? Beharbada ohikoa duzu Gianni Rodari pedagogo italiarrak zerrendatu zituen bederatzi (eta nik gaineratutako hamargarren) ekintza hauetakoren bat.


Aste osoko grebak deitu dituzte hezkuntza publikoan

EAEko hezkuntza publikoan mobilizazio berriak iragarri dituzte ELA, LAB eta STEILAS sindikatuek, urtarriletik ekainera bitarte (ikusi behean mobilizazioen egutegia). Eusko Jaurlaritzarekin akordiorik lortu ezean, besteak beste langile guztientzako hiru greba egun eta sektoreka aste osoko grebak dituzte aurreikusita.


2018-01-10 | ARGIA
Unibertsitateko indarkeria sexuala aztertuko dute Donostian egingo den jardunaldi batean

Unibertsitateko indarkeria sexualari buruzko jardunaldia antolatu dute EHUko Hezkuntza, Filosofia eta Antropologia fakultatetan urtarrilaren 26an.


2018-01-10 | ARGIA
Sutea Seaskak Kanbon duen egoitza nagusian

Kazeta.eus-ek argitaratu duenez, sutea piztu da asteazken goizean Kanbon, Seaskaren eraikinean.


2018-01-09 | Topatu.eus
Azterketa ereduak kolektibizatzeko dei egin dute Ibaetako Guneako asanbladako kideek

Kolektibizazio proiektu bat jarri dute martxan aurtengo ikasturtean Ibaetako campuseko Guneako asanbladako kideek, "beste logika baten baitan harremanak eraikitzen hasteko, elkartasuna ardatz izanik". Hori dela eta, azterketa ereduak partekatzeko dei egin dute.


Azkenak
EGILEA
Eguneraketa berriak daude