"Akordio handia" lortuta amaitu dute 315 eguneko greba Gipuzkoako errepideen zainketa langileek

  • Akordioa lortu dute ELAk eta Gipuzkoako errepideen mantentze lanetako enpresek urtarrilaren 13an. Bizkaiko zahar-etxeetan, aldiz, grebarako dei egingo du ELAk otsail osorako.  

Ainhoa Ortega Bretos @ob_ainhoa  |  Unai Brea @unaibrea
2017ko urtarrilaren 17a
Akordioaren berri eman du ELA sindikatuak prentsaurrekoan (Arg.: ELA)

Adostutakoaren inguruko xehetasunak urtarrilaren 17an eman dituzte ezagutzera: bere lan hitzarmena izango du ABEE Aldi baterako enpresa elkarte bakoitzak. Goierrialdea, Miramon eta Urola Deba dira akordioa sinatu duten ABEEak. Hirurak daude diputazioaren menpe, eta 95 langile dituzte guztira. Hitzarmen horiek Espainiako lan erreformaren kontrako klausulak eta lanpostu mailaketaren berezitasunak jasoko dituzte, eta 2019ko abenduaren 31ra arte izango dira indarrean.

Langileek %9 eta %11 bitarteko soldata igoerak izango dituzte; lorpen hori azpimarratu egin du ELAk. Gainera, adierazi dute ABEEen esku geratu direla lan--baldintzengatiko gehigarriak; gaueko lana, asteburuetakoa, errepideetan jardutea... 2016ko martxoan ekin zioten grebari, adierazi dutenez, sei urte zeramatzaten soldaten izozketa jasaten eta hamabi ordutik gorako lanaldiak egiten.

ELAk txalotu egin ditu hamar hilabeteko greba egiteko langileek agertutako adorea eta beste sektoreetatik iritsitako elkartasuna. ELAren erresistentzia-kutxak emandako babesaren garrantzia ere azpimarratu dute. Bestalde, eskerrak eman dizkiete Gipuzkoako errepideen erabiltzaileei eta jendarte osoari, "borroka honen arrazoiak ulertzeagatik".

Gaineratu dutenez, ABEEkin akordioa erdietsi eta gero Gipuzkoako Foru Aldundiarekin beste bat adostea dute orain helburu, 2019 ostean baldintza berei eustea ziurtatze aldera.

Lehenago akordiorik lortu ezean, otsailaren 1ean hasiko da Bizkaiko zahar-etxeetako greba

Iazko mobilizazioen jarraipena izango da greba, eta gutxienez hilabete luzatuko da. Orain dela 75 egun baino gehiago egin zuen patronalak azken proposamena, eta “ganorarik gabekoa” izan zela adierazi du ELAk. “Ratioak hobetzeko behar besteko diru sailak bideratzea, zentroetako pertsonala handitzea eta langileei lan-baldintza duinak eskaintzea” exijitu du sindikatuak.  

Bizkaiko Foru Aldundia ere kritikatu du ELAk, patronalaren ikuspuntua “babestu” izanagatik. Bere hitzetan, “bere ardurapeko sektore baten gatazkari konponbidea bilatzen lagundu beharrean, patronalaren ikuspuntuei eusten dio Bizkaiko Foru Aldundiak”.

Kanal hauetan artxibatua: Langile borroka  |  ELA  |  Gipuzkoa

Langile borroka kanaletik interesatuko zaizu...
"Sindikatuak eraginkorrak ez garen ideia nagusitzea, sekulako garaipena litzateke kapitalismoarentzat"

LABeko Negoziazio Kolektiboko eta Ekintza Sindikaleko idazkaria da Garbiñe Aranburu (Legorretan sortu zen 1973an, Zaldibian bizi da egun). 2004tik dabil sindikatuko Batzorde Exekutiboan eta zuzendaritzak idazkari nagusi izateko proposatu du orain, Ainhoa Etxaideri lekukoa hartuta. Maiatzaren 25 eta 26an Gasteizen LABek egingo duen IX. Biltzar Nagusian hala hautatuko dute, dena ondo bidean. “Keinu bat egin nahi nioke han egon ezin izango duen Rafa Diezi”, esan digu... [+]


2017-05-21 | Juan Mari Arregi
50 urte "gure greba" egin genuela

Egunotan , duela 50 urte, frankismo zapaltzaileenaren erdian, sei hilabeteko greba gogor bat amaitu zen AHVren esku zegoen Etxebarriko Laminación de Bandas lantegian: Francoren garaian egindako luzeena, 1966 eta 1967 artean. Nolabait, euskal langile mugimenduaren bilakaera markatu zuen.


2017-05-18 | Iker Blas
Coca Colari boikota azukrearen lurraldean

Filipetako 4. uharte handiena da Negros eta bertako ekonomiaren oinarri nagusia azukre-kanaberaren plantazioak izan dira. Coca Cola bezalako enpresek azukre merkeagoaren alde egin dute, irlako langileen kalterako.


2017-05-18 | Anboto
"Lan-jazarpena eta lan karga izugarriak" salatu dituzte Zornotzako enpresa batean

AKT Plásticos enpresako zuzendaritzak langileei “lan-jazarpena” egiten dietela salatu du enpresa batzordeak ELA sindikatutik helarazitako prentsa ohar batean.


High Speed Railway: Workers exploited in the contractors' empire

Nothing is what it seems inside the Basque Country's largest public works programme. It could have been a symbol of progress, but it has brought extreme precariousness with it. They say it will connect us with the north of Europe, but it is using the sweat and blood of people from the south. Thousands of millions of Euros, two decades and 6,000 people are going to be needed to build the High Speed Railway. Will they be able to do that without squeezing the workers' necks? We have... [+]


2017-05-16 | Juan Mari Arregi
50 urte "gure greba" egin genuela

Egunotan , duela 50 urte, frankismo zapaltzaileenaren erdian, sei hilabeteko greba gogor bat amaitu zen AHVren esku zegoen Etxebarriko Laminación de Bandas lantegian: Francoren garaian egindako luzeena, 1966 eta 1967 artean. Nolabait, euskal langile mugimenduaren bilakaera markatu zuen.


EAEko hezkuntza publikoko greba arrakastatsutzat jo dute sindikatuek

“Eusko Jaurlaritza inposatzen ari den murrizketengatik” grebara deitu dute sindikatu ugarik EAEko unibertsitatez kanpoko hezkuntza publikoan eta haur-eskoletan. Lanuztea arrakastatsua izan da, deitzaileen arabera. Sindikatuen esanetan, langileen %80k bat egin du grebarekin.


Nola eragiten dio hezkuntza publikoaren egungo egoerak zure seme-alabari?

Kezka dute guraso batzuek: “Irakasleak berriz ere grebara doaz eta zer egingo dugu egun horretan seme-alabekin?”. Baina mobilizazio hauekin borrokatu nahi diren puntuek hain juxtu euren seme-alabei eragiten dietela erakusteko idatzia kaleratu dute:


Zaintzen gaituenaren babesean dantzan

“Badakit zer pasatzen den erresidentzietan, jendea hasi dela kexatzen sarritan, zerbait ikustekoa du ratio ta soldaten recuento generalean”. Sarri Sarri abestiaren moldaketa berezia jo eta dantzatu dute 40 bat emakumek Bilboko Olimpia erresidentezia barruan, hango langile eta adindunen harridurarako. Erresidentzietako langileen borroka luzea da, eta “ikusezina, baloratu gabea, feminizatua eta prekarizatua” den esparruko langileei elkartasuna adierazteko egin du... [+]


Langileen esplotazioa, kontratisten inperioan

Euskal Herriko obra publiko handienaren barrunbeetan ezer ez da dirudiena. Aurrerapenaren ikur izan behar zuen, baina muturreko prekarietatea ekarri du; Europako iparraldearekin konektatuko ei gaitu, baina hegoaldeko jendeen izerdi eta odola erabiltzen ari dira. Abiadura Handiko Trena eraikitzeko milaka milioi euro, bi hamarkada eta 6.000 lagun beharko dira. Egin ahal izango litzateke halakorik langileak lepotik estutu gabe? Hesi laranja gurutzatu dugu hori jakiteko, eta egoera gorria aurkitu... [+]


Azkenak
EGILEAK
Eguneraketa berriak daude