28rako manifestazioa deitu dute hizkuntza politikak bakean utz ditzatela eskatzeko


2015eko otsailaren 13an - 10:15
Azken eguneraketa: 2015-02-26 13:37:33

Esku-hartzeok ez dira gaur goizeko kontua. Alabaina, Kontseiluak eta UEMAk azpimarratu dute azkenaldian bi estatuak modu agerian ari direla Euskal Herriko hizkuntza politikak auzitara eramaten, eta euskara gutxiesteko ahaleginean.

Frantziako Gobernuak Patrick Dallennes du ordezkari Ipar Euskal Herrian, eta besteak beste, Uztaritzeko Herriko Etxeak euskara ofizial izendatu izana salatu zuen. Nafarroako Gobernuak Baztango Udaleko euskara planaren aurka egingo duela iragarri du.

Marka guztiak ordea, Espainiako Gobernuak EAEn duen ordezkari Carlos Urquijok hautsi ditu. UEMAko kide diren 40 udalerritik gorak errekerimenduak edo helegiteak jaso dituzte hizkuntza irizpideak, erabilera planak, edo aktak direla tarteko. UEMAkoak ez dira salaketak jaso dituzten udalerri bakarrak.

Kontseiluak eta UEMAk adierazi dutenez, “erantzule nagusiak horiek badira ere erantzukizuna partekatua da. Herri honetan ardura politikoa duten guztiek dute afera honetan erantzukizun maila bat”.

Udalerri euskaldunetako udalen egoera bereziki larria da, urte luzez administrazio horiek euskara hutsean jarduteko emandako pausoetan atzera egin dezaketelako. Auzibideetan sartzeak gastu ekonomiko handia eskatzen die udalerriei (asko txikiak dira) eta lege babesa nola-halakoa da. Euskararen Legeak adibidez, ele biz egitea jasotzen du. Kontseiluak eta UEMAk hala borobildu dute afera hau: “Erabaki hauekin, ikusten ari gara euskarari balioa kendu nahi diotela, beti frantsesaren edo gaztelaniaren ondoan agertzera behartuz”.


Kanal honetatik interesatuko zaizu: Hizkuntza politika
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Euskara Ipar Euskal Herrian
Azken sokatirak, hizkuntza politika eraginkor baten alde

2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


Eguneraketa berriak daude